Gujarati News

રાજકોટ, તા.,૬:  મ.ન.પા. દ્વારા હવે મિલ્કતવેરો, વ્યવસાયવેરો, પાણી વેરો વગેરે જેવા વેરાઓની ઉઘરાણી માટે ખાસ રિકવરી સેલ આવતા સપ્તાહથી કાર્યરત કરાશે.

આ બાબતે મ્યુ. કમિશ્નર અમિત અરોરાએ જાહેર કર્યા મુજબ આ વર્ષથી રિકવરી સેલ શરૂ કરવાના આયોજન મુજબ હવે આવતા સ૪તાહથી ખાસ રિકવરી સેલ કાર્યરત કરી દેવાશે.

આ રિકવરીસેલ માટે ત્રણેય ઝોનમાં બબ્બે ટીમો મુકી  દેવાશે. આ ટીમો તેઓના ઝોનમાં મિલ્કતવેરો, વ્યવસાય વેરો, પાણી વેરો વગેરે જેવા વેરાના બાકીદારો પાસે વેરાની ઉઘરાણી કરવાનું કામ આખુ વર્ષ કરશે.

દરમમિયાન છે. ૧ લાખથી વધુનો વેરો બાકી રાખનાર ૭૦ હજાર લોકોને નોટીસો પણ આપી દેવાઇ છે. હવે રિકવરી સેલ દ્વારા વર્ષો જુના બાકીદારોનો વેરો વસુલવાની કસરત શરૂ થનાર છે. ત્યારે સો મણનો સવાલ એ છે કે મોટા ભાગના પ્રકરણમાં કાનુની દાવાઓ, ભાડુઆત-મકાન માલીકના વિવાદો, વાંધા અરજી વગેરે જેવી વિટંબણાઓ છે. તેનો ઉકેલ લાવવામાં રિકવરી સેલ કેટલુ સફળ રહે છે તે જોવાનું રહયું?