Gujarati News

રાજકોટ તા. ૬: આજે ‘‘અકિલા'' સાથેની વાતચીતમાં ટોચના એક અધીકારીએ નિર્દેશ આપ્‍યો હતો કે કોરોનાના કેસો જે રીતે વ ધી રહ્યા છે તે જોતા સરકાર ટુંકમાં અત્‍યંત કડક નિર્ણયો લાદી દેશે, તેમણે જણાવેલ કે રાજકોટમાં ધો. ૧ થી ૯ ની સ્‍કૂલો ૮ દિ'માં ફરજીયાત ઓનલાઇન થઇ જશે, ઓફ લાઇન બંધ કરી દેવાશે, કારણ કે બાળકોમાં પણ ધડાધડ કોરોના વકર્યો છે, આ જોખમ લેવાય નહીં.
તેમણે જણાવેલ કે આ ઉપરાંત કર્ફયુ અંગે પણ કડક નિયમો આવી જશે, કર્ફયુ વધી રહ્યાના સંકેતો આ ટોચના અધીકારી આપી રહ્યા છે.
દરમિયાન ગઇકાલે મુખ્‍ય સચિવની કોરોના બાબતે તંત્રો સાથે ખાસ મીટીંગો યોજાઇ હતી, આ ખાસ વીસીમાં રાજકોટ-અમદાવાદ-વડોદરા-સુરતમાં વધી રહેલા કોરોનાના કેસો, તંત્રો દ્વારા તૈયારીઓ, કર્ફયુ-માસ્‍કની અમલવારી, લોકોના ટોળા, હાલની સ્‍થિતિ વિગેરે તમામ બાબતે ખાસ સમીક્ષા કરાઇ હતી.