Gujarati News

રાજકોટ તા. ૭ : રાજકોટ વીજ તંત્ર પીજીવીસીએલમાં ભારે ફફડાટ ફેલાયો છે. રાજકોટમાં ર દિ'માં જીઇબીની ત્રણ જુનિયર ઇજનેર સહિત ૧રને કોરોના પોઝીટીવ જાહેર થતા અનેક વીજ સબ ડિવીઝનમાં ભાગાભાગી થઇ ગઇ છે. દરેક કચેરી સેનેટાઇઝર કરાઇ રહી છે.

આજે માધાપર સબ ડીવીઝનના જુનિયર ઇજનેર પી.જે. પંચાલનો ટેસ્ટ પોઝીટીવ આવતા તેમને હોમ કોરોન્ટાઇન કરાયા છે.

આ પહેલા બે દિ'માં બે જુનિયર ઇજનેરો શ્રીમતી કે.એન.કંડોરીયા તથા શ્રીમતી આર.એમ. હિન્ડોચા ઉપરાંત એમ.એલ. ગોહેલ, વી.પી.પરમાર, પી.કે. પટેલ, જી.એલ. વિશ્રાની, એ.એમ. જોષી, આર.જી.નકુમ, કે.જી.પટેલ, શ્રીમતી વીઆઇ.ત્રિવેદીને કોરોના વળગતા આ તમામને હોમ કોરોન્ટાઇન કરી દેવાયા છે.

પીજીસીવીસીએલમાં છેલ્લા ૭ર કલાકમાં સૌરાષ્ટ્ર-કચ્છમાં ૬૪ થી વધુ કર્મચારી-અધિકારી કોરોના પોઝીટીવ જાહેર થયા છે., વીજ સ્ટાફમાં ફફડાટ ફેલાયો છે.