Gujarati News

રાજકોટ તા. ૮: મવડીમાં ક્રિસ્ટલ હેવનમાં રહેતાં ધવલ ભરતભાઇ સોલંકી (લુહાર) (ઉ.૨૪) તથા તેના ભાઇ કરણ (ઉ.૨૨) અને પિતા ભરતભાઇ સોલંકી પર રાતે કોઠારીયા રોડ હુડકો પોલીસ ચોકી પાછળ ક્રિષ્ના ચોકમાં ધવલના મામાજી જીતુભાઇ, મામાજીના દિકરા કિશન અને કિશનના મિત્ર યશુએ હુમલો કરી માર મારતાં સિવિલમાં સારવાર માટે પહોંચતા કરણને દાખલ કરાયો હતો.

બનાવ અંગે ભકિતનગર પોલીસને હોસ્પિટલ ચોકીના સ્ટાફે જાણ કરી હતી. ભરતભાઇએ કહ્યું હતું કે મોટા દિકરા ધવલના ચાર મહિના પહેલા જ ખુશાલી સાથે લગ્ન થયા છે. તેણી ત્રણ-ચાર દિવસથી માવતરે હોઇ અને અમે ફોન કરતાં તેણી બિમાર હોવાનું કહેવાતાં અમે ઘરના સભ્યો ત્યાં ખબર પુછવા માટે જતાં બોલાચાલી થતાં ધવલના મામાજી સહિતે ઝઘડો કરી મારામારી કરી હતી.