Gujarati News

Gujarati News

News of Friday, 11th June 2021

સહકાર રોડ ક્રિષ્નજી સોસાયટીમાં કીડનીની બીમારીથી કંટાળી રસીકભાઇ પરમારનો આપઘાત

યુવાને ગળાફાંસો ખાઇ લીધો : પરિવારમાં શોક

રાજકોટ તા. ૧૧ : સહકાર મેઇન રોડ પર ક્રિષ્નજી સોસાયટીમાં રહેતા યુવાને કીડનીની બીમારીથી કંટાળી ગળાફાંસો ખાઇ આપઘાત કરી લેતા અરેરાટી વ્યાપી ગઇ છે.

મળતી વિગત મુજબ સહકાર મેઇન રોડ પર આવેલી ક્રિષ્નજી સોસાયટી શેરી નં. ૪માં રહેતા રસીકભાઇ વેલજીભાઇ પરમાર (ઉ.૪૬) એ ઘરમાં ઉપરના રૂમમાં છતના હુકમાં દોરી બાંધી ગળાફાંસો ખાઇ લીધો હતો. નાના ભાઇ બોલાવવા માટે ઉપરના રૂમમાં જઇ દરવાજો ખોલીને જોતા રસીકભાઇ લટકતી હાલતમાં જોવા મળતા તેણે દેકારો બોલાવતા પરિવારજનો એકઠા થઇ ગયા હતા અને રસીકભાઇને નીચે ઉતારી ૧૦૮માં જાણ કરતા ૧૦૮ની ટીમે સ્થળ પર પહોંચી ઇએમટી મયુરભાઇએ તપાસ કરતા તેનું મૃત્યુ નિપજ્યું હોવાનું જણાતા પોલીસને જાણ કરવામાં આવી હતી. જાણ થતાં ભકિતનગર પોલીસ મથકના એએસઆઇ નરેન્દ્રભાઇ મદ્રેસા અને રાઇટર મયુરભાઇ ઠાકરે તપાસ હાથ ધરી હતી. મૃતક રસીકભાઇ ત્રણ ભાઇ અને એક બહેનમાં વચેટ હતા તે અપરણીત હતા તે ઘણા સમયથી બીમાર રહેતા હોઇ તેથી કંટાળી તેણે આ પગલું ભર્યું હોવાનું પોલીસની તપાસમાં ખુલ્યું છે.

(3:08 pm IST)
  • આખરે ટીએમસી માંથી ભાજપમાં શામેલ થયેલ બંગાળના દિગ્ગજ નેતા મુકુલ રોયની ઘર વાપસી થઈ : ફરી ટીએમસીમાં જોડાયા : ભાજપ માટે શરમજનક ઘટના : હજુ ઘણાં ધારાસભ્યો સહિત ભાજપના નેતાઓ પણ તેમની મૂળ પાર્ટી ટીએમસીમાં પાછા જાય તેવી સંભાવના : CM મમતા બેનર્જી બપોરે 3.30 વાગ્યે ટીએમસી ભવન ખાતે પ્રેસ કોન્ફરન્સ કરશે તેમ જાણવા મળે છે. (ન્યુઝફર્સ્ટ) access_time 2:42 pm IST

  • દેવભૂમિ દ્વારકા જિલ્લાના ખંભાળિયા તાલુકામાં બે દિવસથી ભેદી ધડાકા : રાત્રીના સમયે ભેદી ધડાકાઓથી લોકોમાં ફફડાટ. :ધડાકાઓનું કારણ હજુ સુધી જાણવા મળ્યું નથી :ધડાકા સાથે જમીન ધ્રુજી ઉઠે છે છતાં તંત્ર અજાણ : પ્રાંત અધિકારીએ ધડાકા અંગે તપાસના આદેશ આપ્યા access_time 12:08 am IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST