Gujarati News

રાજકોટ તા. ૧૨: બપોરે આજીડેમ માછલી ઘર પાછળ પાણીમાંથી અજાણ્યા આશરે ૨૫ થી ૨૮ વર્ષના યુવાનની લાશ મળી આવી છે. આ યુવાને પીળા રંગનું સફેદ કાળા પટ્ટાવાળુ ટી-શર્ટ પહેર્યુ છે. ફાયર બ્રિગેડને જાણ થતાં ભીખાભાઇ, શાહરૂખભાઇ, ભરતસિંહ, વિશાલભાઇ સહિતે ત્યાં પહોંચી મૃતદેહ બહાર કાઢી પોલીસને સોંપ્યો હતો. એએસઆઇ વી. બી. સુખાનંદી અને કિરીટભાઇ રામાવતે તપાસ કરતાં મૃતક પાસેથી ઓળખ થાય તેવી કોઇ ચીજવસ્તુ મળી નથી. તેના જમણા હાથે અંગ્રેજીમાં 'એન' ત્રોફાવેલો છે. જ્યારે બીજા હાથે હિન્દી જેવા અક્ષરોમાં 'ઉનહત' જેવું લખાણ દેખાય છે. આ યુવાને આપઘાત કર્યાની દ્રઢ શકયતા છે. તસ્વીરમાં દેખાતા મૃતકના કોઇ પરિચીત-વાલીવારસ હોય તો પોલીસનો મો.  ૯૮૭૯૫ ૦૦૩૦૬ ઉપર સંપર્ક કરવા જણાવાયું છે. (૧૪.૮)