Gujarati News

રાજકોટઃ શહેરમાં વાહન ચાલકો ટ્રાફિકના નિયમોનું પાલન કરે તે માટે ટ્રાફિક બ્રાંચ દ્વારા દરરોજ અલગ અલગ પોઇન્‍ટ પર ડ્રાઇવ રાખવામાં આવે છે. તે અંતર્ગત ગત સાંજે દોઢસો ફુટ રીંગ રોડ બીગ બાઝાર પાસે અન ેકુવાડવા પોલીસ સ્‍ટેશન હેઠળના વિસ્‍તાર નવાગામ પાસે ડ્રાઇવ યોજાઇ હતી. જેમાં બિગ બાઝાર પાસે ૧૬૬ એનસી કેસ કરી ૮૬૪૦૦નો દંડ વસુલી એક વાહન ડિટેઇન કરાયું હતું. જ્‍યારે નવાગામ ખાતે ૨૭૪ એનસી કેસ કરી ૧,૬૦,૦૦૦નો દંડ વસુલી છ વાહનો ડિટેઇન કરાયા હતાં. પોલીસ કમિશનરશ્રી રાજુ ભાર્ગવ, સંયુક્‍ત પોલીસ કમિશનરશ્રી સોૈરભ તોલંબીયાની રાહબરીમાં ડીસીપી ટ્રાફિક પૂજા યાદવ, એસીપી ટ્રાફિક જે. બી. ગઢવી અને તેમની ટીમોએ આ કામગીરી કરી હતી. બંને સ્‍થળના મળી કુલ ૪૪૦ એનસી કેસ કરી રૂા. ૨,૪૭,૩૦૦નો દંડ વસુલી સાત વાહનો ડિટેઇન કરાયા હતાં.