Gujarati News

રાજકોટઃ શહેરમાં કોરોનાની બીજી લહેરમાં લોકો સરકારની માર્ગદર્શિકાનું પાલન કરે અને કોરોનાના સંક્રમણથી દૂર રહે તે માટે શહેર પોલીસ કમિશનરશ્રી મનોજ અગ્રવાલની રાહબરીમાં સમગ્ર પોલીસ તંત્રએ રાત-દિવસ કામગીરી કરી છે. નિયમોનું પાલન કરાવવા હજુ આજે પણ પોલીસ કાર્યરત છે. કોવિડ-૧૯ની બીજી લહેરમા પણ પોલીસે પહેલી લહેરની જેમ જ સંક્રમણ અટકાવવા ઉપરાંત કાયદો વ્યવસ્થા જળવાઇ રહે તે માટેની પણ અનેક નોંધપાત્ર કામગીરીઓ કરી છે. આ તમામ ઉત્કૃષ્ટ કામગીરીની એક બૂક તૈયાર કરવામાં આવી છે. આ બૂક પોલીસ કમિશનરશ્રી મનોજ અગ્રવાલના હસ્તે મુખ્યમંત્રીશ્રી વિજયભાઇ રૂપાણીને આજે અર્પણ કરવામાં આવી છે.