Gujarati News

રાજકોટ તા. ૧૭: લાલપરીમાં શક્‍તિ સોસાયટી પાછળ રહેતાં ભરત ભુરાભાઇ ધોળકીયા (દેવીપૂજક) (ઉ.૩૫)ને સાંજે પાંચેક વાગ્‍યે જુના કુવાડવા રોડ પોલીસ સ્‍ટેશન સામે પોતાના ભંગારના ડેલે હતો ત્‍યારે ભનુ અને તેની પત્‍નિ તથા અજાણ્‍યાએ ઢીકા પાટુ અને પાઇપથી માર મારતાં સિવિલ હોસ્‍પિટલમાં દાખલ થતાં હોસ્‍પિટલ ચોકીના સ્‍ટાફે બી-ડિવીઝનમાં જાણ કરી હતી. ભરતના કહેવા મુજબ ભનુ અને તેની પત્‍નિએ મારા ડેલામાંથી ભંગાર ચોરી લીધો હતો. તેના પોટલામાંથી મેં મારો ભંગાર ખાલી કરાવતાં તે રંગેહાથ પકડાઇ ગયા હોઇ ઝઘડો કરી બીજા શખ્‍સોને બોલાવી હુમલો કર્યો હતો. પોલીસે આક્ષેપો અંગે તપાસ આદરી હતી.