Gujarati News

રાજકોટઃ પ.પૂ.શ્રી સદ્દગુરૂદેવ ભગવાનશ્રી રણછોડદાસજીબાપુ દ્વારા પોતાના સ્વહસ્તે વૈશાખ સુદ-૧૦, ૧૯૬૫માં શ્રી રાઘવેન્દ્ર યગુલ સરકારની પ્રાણપ્રતિષ્ઠા કરી હતી, જેમની તા.૨૨ શનિવારનાં રોજ ૫૫ વર્ષ પૂર્ણ કરી ૫૬ વર્ષમાં પ્રવેશ થઈ રહ્યો છે. આ શ્રી રામજી મંદિર, પોપટપરામાં પ.પૂ.શ્રી સદ્દગુરૂદેવ ભગવાનશ્રી રણછોડદાસજી

બાપુશ્રીએ કહ્યું કે, જો લોગ ચિત્રકુટ નહી જા સકતે, વો લોગ યહાં પોપટપરામેં શ્રી રાઘવેન્દ્ર યુગલ સરકારશ્રી કા દર્શન કર સકતે હૈ.

આ ૫૬માં પાટોત્સવ નિમિતે સવારે ૬:૩૦ કલાકે, શ્રી રામચંદ્રજી ભગવાનનું અભિષેક અને પુજન, મંદિરનાં ગર્ભગૃહમાં સવારે ૮ કલાકે, દેહ શુધ્ધી સવારે ૮:૩૦ કલાકે, સ્થાપના તથા પુજન સવારે ૯:૩૦ કલાકે, શ્રી લઘુરામ યજ્ઞ પ્રારંભ, બપોરે ૧૨:૧૫ કલાકે, બીડુ હોમવાનો સમય-૧૨:૩૯ કલાકે, પાટોત્સવની આરતી.

આ ૫૬માં પાટોત્સવ નિમિતે તા.૨૧ શુક્રવારનાં સીતાનવમીનાં રોજ શ્રી રામચરિત માનસજીનાં અખંડ પાઠનો પ્રારંભ કરવામાં આવશે.સર્વે ધર્મપ્રેમી ભાઈ- બહેનો તથા ગુરૂભાઈ- બહેનોએ પોતપોતાના ઘરે રહીને જ પુજન તથા શ્રી રામરક્ષાસ્ત્રોત્ર, શ્રી રામસ્તવરાજ તથા શ્રી રામાયણજીના પાઠ કરવા અનુરોધ કરાયો છે.