Gujarati News

Gujarati News

News of Saturday, 21st November 2020

લગ્ન સમારંભ સાબિત થઈ શકે છે સુપર સ્પ્રેડર ઇવેન્ટ

લગ્નમાં સામેલ થયેલા ૮૩ લોકોમાંથી ૩૨નો કોરોના ટેસ્ટ પોઝિટિવ

રાજકોટ, તા. ર૦ : કોરોના વાયરસની આ મહામારીના સમયમાં દુનિયાભરમાં લોકોને માસ્ક પહેરવા, સોશિયલ ડિસ્ટન્સિંગનું પાલન કરતા તથા વારંવાર હાથ ધોવાની સલાહ અપાઈ રહી છે. આ સાથે જ લોકોને ખૂબ જ જરૂરી હોય તો જ ઘરથી બહાર નીકળવા માટે કહેવાઈ રહ્યું છે. પરંતુ દ્યણા લોકો આ મહામારીમાં પણ ધામધૂમથી લગ્ન કરી રહ્યા છે, અને તેમાં આવનારા મહેમાનોના કારણે આવી મોટી ઈવેન્ટ સુપર સ્પ્રેડર બની શકે છે. અમેરિકાના ઓહાયોમાં આવો જ એક મામલો સામે આવ્યો છે. જેમાં લગ્નમાં સામેલ થનારા ૮૩ લોકોમાંથી અડધા જેટલા લોકો કોરોના સંક્રમિત થઈ ગયા.

જાણકારી મુજબ, અમેરિકાના ઓહાયો રાજયમાં યોજાયેલા એક લગ્નમાં સામેલ થયેલા ૮૩ લોકોમાંથી ૩૨ નો કોરોના ટેસ્ટ પોઝિટિવ આવ્યો છે. જેમાં વર અને વધૂ, ચર્ચાના પાદરી તથા વૃદ્ઘો પણ સામેલ છે. આ વિશે ચર્ચાના પાદરીનું કહેવું છે કે, તમે આ સ્થિતિમાં ભરપૂર આનંદ ઉઠાવો છો. તમે કોવિડ વિશે વધારે વિચારતા નથી.

અમેરિકામાં મોટી સંખ્યામાં કોરોનાના કેસો સામે આવી રહ્યા છે. જેના કારણે લોકોના ઘરે રહેવા માટે કહેવામાં આવી રહ્યું છે. જહોન ઓપકિન્સ યુનિવર્સિટીના ડેટા મુજબ, ઓહાયોમાં ૨ નવેમ્બરે ૨,૨૧,૦૦૦ કોરોનાના કેસ હતા, જે સોમવારે વધીને ૩૦૫,૦૦૦ લાખ સુધી પહોંચી ગયો છે.

પબ્લિક હેલ્થ એકસપર્ટ્સે કોરોનાના કેસોમાં થઈ રહેલા ઉછાળા વચ્ચે લોકોને ધામધૂમથી વેડિંગ ન યોજવા ચેતવ્યા છે. વોશિંગ્ટન રાજય, ન્યયોર્ક તથા મિનેસોટામાં આ પ્રકારની ઈવેન્ટ્સથી મહામારી વધુ ફેલાઈ છે. મેઈનમાં પણ આ પ્રકારની એક વેડિંગ સેરેમનીથી ૧૭૬ લોકો કોરોના પોઝિટિવ થયા હતા અને સાત લોકોના મોત થયા હતા.

(3:28 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • ચીનના ૧૪ વર્ષના છોકરા રેન કેયુએ દુનિયાના ટોલેસ્ટ ટીનેજર (મેલ) નો ખિતાબ મેળવ્યો છે. તે ૭ ફુટ ૩.૦ર ઇંચ ઊંચો છે. ગિનેસ વર્લ્ડ રેકોડ્ર્સે તેના આ વિક્રમને માન્યતા આપી દીધી છે. access_time 11:38 am IST

  • રાજસ્થાનમાં કોરોનાએ કાળોકેર વર્તાવ્યો : છેલ્લા 24 કલાકમાં 3007 નવા કેસ નોંધાયા : જયપુર,જોધપુર, ઉદયપુર,બિકાનેર , અલ્વર ,કોટા , અજમેર અને ભીલવાડામાં રાત્રી કર્ફ્યુ લગાડયો access_time 12:33 am IST