Gujarati News

રાજકોટ તા. ૨૨: શહેરના પારેવડી ચોકથી આગળ દરગાહ નજીક અજાણ્યા એક મહિલા સાંજે બેભાન થઇ પડી જતાં કોઇએ ૧૦૮ને જાણ કરતાં આ મહિલાને સારવાર માટે સિવિલ હોસ્પિટલમાં ખસેડવામાં આવતાં તેમને કોવિડ સેન્ટરમાં દાખલ કરવામાં આવ્યા છે. વેન્ટીલેટર પર રખાયેલા આ મહિલાનો કોરોના ટેસ્ટ કરાયો છે. જેના રિપોર્ટની રાહ જોવાઇ રહી છે. આશરે ૪૫ થી ૪૮ વર્ષના આ મહિલાએ આછો ગુલાબી જેવો ડ્રેસ પહેર્યો છે. તસ્વીરમાં દેખાતા મહિલાના કોઇ વાલીવારસ, પરિચીત હોય તો સિવિલના કોવિડ સેન્ટર ખાતે અથવા હેલ્પલાઇન નંબર ૬૩૫૨૫ ૯૯૩૦૦ ઉપર સંપર્ક કરવા જણાવાયું છે.