Gujarati News

રાજકોટ, તા. ૨૩: રાજકોટ મહાપાલિકાની ચૂંટણીમાં ભાજપનો વિજયી વાવટો લહેરાયો છે. ભાજપના ઉમેદવારોએ કોંગ્રેસના ધરખમ ઉમેદવારોને હરાવ્‍યા છે.

દરમિયાન કોંગ્રેસનો ગઢ ગણાતો એવો ૧૬ નંબરમાં ભાજપે જબ્‍બર પછડાટ આપી છે. આખે આખી પેનલ ભાજપે જીતી લીધી છે. ભાજપના ઉમેદવારો નરેન્‍દ્રભાઈ ડવ, સુરેશભાઈ વસોયા, રૂચિતાબેન જોષી અને કંચનબેન સિદ્ધપુરાએ કોંગ્રેસના ઉમેદવારો રસીલાબેન ગેરીયા, વલ્લભભાઈ પરસાણા, બાબુભાઈ ઠેબા અને ગાયત્રીબેન ભટ્ટને હરાવ્‍યા છે.

ઉલ્લેખનીય છે કે આ વોર્ડ કોંગ્રેસનો ગઢ માનવામાં આવે છે. ગત ટર્મમાં કોંગ્રેસનો વિજય થયો હતો. જંગલેશ્વર વિસ્‍તાર તો કોંગ્રેસનો ગઢ માનવામાં આવે છે તવા વિસ્‍તારમાં ભાજપે જીત હાંસલ કરી છે. ભાજપના કાર્યકરોએ જીત બાદ જયશ્રી રામ, જય શ્રી રામના નારા લગાવ્‍યા હતા. લોકોને મોં મીઠા કરાવ્‍યા હતા.