Gujarati News

રાજકોટ તા. ૨૩ : મ.ન.પા.ના આરોગ્‍ય વિભાગે લીધેલો પ્રિમીયમ ફેટનો નમૂનો ફેઇલ થતાં વેપારી ઉત્‍પાદકને કુલ ૧.૧૦ લાખનો દંડ ફટકારાયો છે.
વેપારીઓ - ઉત્‍પાદકને દંડ
આ અંગે મનપાની સત્તાવાર યાદીમાં જણાવ્‍યા મુજબ આરોગ્‍ય શાખા દ્વારા કરવામાં આવેલ કામગીરીની વિગત આ મુજબ છે.
મહાનગરપાલિકાના ફૂડ વિભાગ દ્વારાﾠ‘કિશોર એન્‍ડ કંપની'ﾠ-ﾠભક્‍તિનગર સ્‍ટેશન પ્‍લોટ -૫,ﾠકેન્‍કો હાઉસ,ﾠરાજકોટ મુકામેથીﾠમાઇક્રોલાઇટ પ્રિમીયમ ફેટનોﾠ(૫૦૦ ગ્રામ પેકટ)નો નમુનો લેબોરેટરી ﾠરિપોર્ટમાં સબસ્‍ટાન્‍ડર્ડ જાહેર થયેલ. જે અંગેના કેસમાં નામદાર એજયુડીકેટીંગ ઓફિસર અને નિવાસી અધિક કલેક્‍ટર દ્વારા નમુનો આપનાર પેઢીના માલિક -રશ્‍મીકાંત કિશોરકાંત ગોડાને રૂ.૧૦,૦૦૦ તથાﾠઉત્‍પાદક પેઢીના નોમિની -મહેન્‍દ્રભાઇ છોટાભાઈ પટેલને રૂ.૫૦,૦૦૦નો દંડ,ﾠઉત્‍પાદક પેઢી ગાગર ફૂડસ પ્રા.લિ.ને રૂ.૫૦,૦૦૦નો દંડનો હુકમ કરવામાં આવેલ છે.
આ ઉપરાંત ફૂડ વિભાગ દ્વારાﾠ‘શ્રીજી ડેરી ફાર્મ'ﾠ-ﾠક્રિશ્ના કોમ્‍પ્‍લેક્‍સ,ﾠશોપ નં.-૪,ﾠમાધવ પાર્ક -૨,ﾠગોવર્ધન ચોક,ﾠ૧૫૦ ફૂટ રીંગ રોડ,ﾠરાજકોટ મુકામેથીﾠભેંસનું દૂધ (લુઝ)નો નમુનો લેબોરેટરી રિપોર્ટમાં ફોરેન ફેટ (વેજીટેબલ ફેટ)ની હાજરી મળી આવતા નમૂનો સબસ્‍ટાન્‍ડર્ડ જાહેર થયેલ. જે અંગેના કેસમાં નામદાર એજયુડીકેટીંગ ઓફિસર અને નિવાસી અધિક કલેક્‍ટર રાજકોટ દ્વારા નમુનો આપનાર પેઢીના માલિક દીપેશકુમાર શાંતિલાલ મેઘપરાને રૂ.૫,૦૦૦ દંડનો હુકમ કરવામાં આવેલ છે.
અખાદ્ય ખોરાકનો નાશ
ફૂડ વિભાગ દ્વારાﾠભાવનગર રોડ,ﾠચુનારાવાડ ચોકની બાજુમાં આવેલﾠમુબારક નોનવેજ રેસ્‍ટોરન્‍ટﾠપેઢીમાં ચકાસણી કરેલ,ﾠતપાસ દરમિયાનﾠ૮ કિલો વાસી નોનવેજ પ્રિપેર્ડ ફૂડ નોﾠજથ્‍થો નાશ કરેલ સ્‍થળ પર હાજિનિક કંડીશન જાળવવા બાબતે નોટિસ આપવામાં આવેલ.ﾠﾠﾠ
જ્‍યારે બાલક હનુમાન ચોક,ﾠપેડક રોડ પર આવેલﾠવિષ્‍ણુ ખમણﾠપેઢીમાં ચકાસણી કરેલ,ﾠતપાસ દરમિયાનﾠ૨ કિલો વાસી ઇડલીનો જથ્‍થો નાશ કરેલ સ્‍થળ પર હાજિનિક કંડીશન જાળવવા બાબતે નોટિસ આપવામાં આવેલ.
નોનવેજના નમૂના લેવાયા
ફૂડ વિભાગ દ્વારા ફુડ સેફટીﾠસ્‍ટાન્‍ડર્ડ એક્‍ટ-૨૦૦૬ﾠહેઠળ  (૧)ﾠબોનલેશﾠચિકન મસાલા સબ્‍જીﾠ(પ્રિપેર્ડ -લુઝ) બિસ્‍મિલ્લાહ રેસ્‍ટોરન્‍ટ -સદર બજાર મેઇન રોડ,ﾠવિનોદ બેકરી સામેથી તથા (૨)ﾠચિકન બિરીયાનીﾠ(પ્રિપેર્ડ - લુઝ) હુસેની કેટરર્સ - નુતન પ્રેસ રોડ,ﾠ ઓરબીટ કોમ્‍પ્‍લેક્ષની સામે,ﾠસદર બજાર ખાતેથી ૨ નમૂના લેવામાં આવ્‍યા છે.
વેપારીને નોટીસ ﾠ
ફૂડ સેફટી ઓન વ્‍હીલ્‍સ વાન દ્વારાﾠનહેરુનગર ૮૦ ફૂટ રોડﾠવિસ્‍તારમાં ચકાસણી હાથ ધરવામાં આવેલ. જેમાં દર્શાવેલ વિગતો મુજબ કુલ ૧૭ ખાણીપીણીની ચકાસણી કરવામાં આવેલ તથા ૯  વેપારીને લાયસન્‍સ બાબતે નોટીસ આપવામાં આવેલ. તેમજ વેંચાણ થતાં દૂધ,ﾠપ્રિપેર્ડ ફૂડ તથા ઉપયોગમાં લેવાતા ખાદ્યતેલ વિગેરેના કુલ ૯ નમૂનાની સ્‍થળ પર ચકાસણી કરવામાં આવેલ.