Gujarati News

Gujarati News

News of Monday, 23rd November 2020

રેલનગર આવાસ કવાર્ટરમાં ત્રીજા માળેથી પટકાતાં ૨૦ વર્ષની પ્રિયા સુરેલાનું મોત

પિતા લલિતભાઇએ કહ્યું-દિકરીની માનસિક બિમારીની દવા ચાલુ હતી

રાજકોટ તા. ૨૩: રેલનગર પેટ્રોલ પંપ પાસે સુભાષચંદ્ર બોઝ ટાઉનશીપ ડી-એ બ્લોક નં. ૩૨ ત્રીજા માળે રહેતી પ્રિયા લલિતભાઇ સુરેલા (ઉ.વ.૨૦) નામની યુવતિ ત્રીજા માળે બાલ્કનીમાંથી પટકાતાં માથામાં ગંભીર ઇજા થતાં મોત નિપજ્યું હતું.

બનાવની જાણ ૧૦૮ના ઇએમટી સંજયભાઇ મારફત પોલીસ કન્ટ્રોલ રૂમમાં થતાં ઇન્ચાર્જ રાજુભાઇ મકવાણાએ પ્ર.નગરમાં જાણ કરતાં એએસઆઇ કનુભાઇ માલવીયા અને પરાક્રમસિંહે ઘટના સ્થળે પહોંચી કાર્યવાહી કરી હતી. બનાવ રવિવારે સાંજે સવા પાંચેક વાગ્યે બન્યો હતો.

મૃત્યુ પામનાર પ્રિયા ત્રણ બહેનમાં વચેટ હતી. તેના પિતા લલિતભાઇ લક્ષમણભાઇ સુરેલા બાંધકામ સાઇટ પર મજૂરી કરે છે. તેણે કહ્યું હતું કે મારા પત્નિ મણીબેન ઘરમાં લસણ ફોલતા હતાં ત્યારે દિકરી પ્રિયા ગેલેરીમાં આટાફેરા કરવા ગઇ હતી.  એ પછી પડોશીએ દિકરી પડી ગયાની જાણ મારા ઘરવાળાને કરી હતી. લલિતભાઇએ વધુમાં કહ્યું હતું કે દિકરી પ્રિયાને માનસિક તકલીફ હતી અને તેની આ બિમારીની દવા પણ ચાલુ હતી. પોલીસના કહેવા મુજબ પ્રિયા અકસ્માતે પડી ગયાની શકયતા છે. આમ છતાં વિશેષ તપાસ યથાવત રાખવામાં આવી છે.

(12:49 pm IST)
  • હવે કોરોનાથી ફેફસાને નહિ થાય નુકશાન : ભારતીય મૂળના ડોકટરે શોધ્યો કોરોના વાયરસનો ઈલાજ : ભારતમાં જન્મી અને ટેનેસીની સેન્ટ જ્યુડ ચિલ્ડ્રન રિસર્ચ હોસ્પિટલમાં કાર્યરત ડો, તિરુમલા દેવી કનનેગતિએ આ સબંધિત એક અભ્યાસ જર્નલ સેલ ઓનલાઇન સંસ્કરણમાં પ્રકાશિત કર્યો : તેણીએ ઉંદર પર સંશોધનમાં જાણ્યું કે કોરોના થવા પર કોશિકાઓમાં સોજાને કારણે અંગોને બેકાર થવાનો સબંધ હાઇપરઇન્ફ્લેમેટરી પ્રતિરોધ છે જેનાથી મોત થાય છે access_time 11:50 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST