Gujarati News

Gujarati News

News of Monday, 23rd November 2020

કારોબારી અધ્યક્ષ પદેથી પાદરિયાને હટાવાયા

પદ પરથી હટાવવાના વિકાસ કમિશનરના ચૂકાદાથી ખળભળાટઃ હાઇકોર્ટમાં જવાનો માર્ગ ખુલ્યો

રાજકોટ તા. ર૩ :.. જિલ્લા પંચાયતના કારોબારી અધ્યક્ષ કે. પી. પાદરિયાને લાંચ પ્રકરણમાં અધ્યક્ષ પદેથી હટાવવાનો ચૂકાદો વિકાસ કમિશનર એમ. જે. ઠકકરે જાહેર કરતા પંચાયતમાં રાજકીય ખળભળાટ મચી ગયો છે. પાદરિયાએ આ ચૂકાદા સામે હાઇકોર્ટમાંથી સ્ટે. માંગવાનો નિર્ણય કર્યો છે. પંચાયતની મુદત ર૧ ડીસેમ્બરે પૂરી થઇ રહી છે. પાદરિયાને સ્ટે. ન મળે તો પણ નવા ચેરમેનની ચૂંટણી થવાની શકયતા નહિવત છે. પાદરિયા કોંગ્રેસમાંથી ચૂંટાયેલા અને હાલ ભાજપ સાથે છે.

કે. પી. પાદરિયા સામે એસીબીમાં કેસ નોંધાયેલ છે. આ આરોપ સબબ તેમણે બે માસથી વધુ સમય જેલવાસ ભોગવેલ. લાંચનો આરોપ હોવાથી તેમને અધ્યક્ષપદેથી શા માટે ન હટાવવા ? તેની વિકાસ કમિશનરે નોટીસ આપેલ. વખતો વખતની ઓનલાઇન સુનાવણી બાદ આજે તેમના અધ્યક્ષ પદેથી ફરજ મોકૂફ (દૂર) કરતો હુકમ કરવામાં આવ્યો છે. ૩૦ દિવસમાં તેઓ અપીલ કરી શકે તેવી કાયદાકીય જોગવાઇ છે. કારોબારી અધ્યક્ષને લાંચ કેસમાં પદ પરથી હટાવાયા હોય તેવુ જિલ્લા પંચાયતમાં પ્રથમ વખત બન્યુ છે.

(3:52 pm IST)
  • સાંસદો માટે દિલ્હીમાં બન્યા આલીશાન મલ્ટી સ્ટોરી ફ્લેટ : 4 બેડરૂમ, ઓફિસ, સ્ટાફ ક્વાર્ટર સહિતની અદ્યતન સુવિધા ધરાવતા વેલ ફર્નિસ્ડ ફ્લેટનું વડાપ્રધાન શ્રી નરેન્દ્ર મોદીએ ઉદઘાટન કર્યું : ગંગા, યમુના તથા સરસ્વતી નામક 3 ટાવરમાં 218 કરોડ રૂપિયાના ખર્ચે 76 ફ્લેટ બનાવાયા : જડબેસલાક સિક્યુરિટી વ્યવસ્થા ,દરેક ટાવરમાં 4 ઓટોમેટિક લિફ્ટ, ફાયર સુરક્ષા, સોલાર પેનલ્સ, જનરેટર સહિતની સુવિધા access_time 1:15 pm IST

  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST