Gujarati News

મોરબી હળવદ રોડ પર આઈટીઆઈ નજીકથી પોલીસે બાઈકમાં ઈંગ્લીશ દારૂની ૦૮ બોટલ લઇ જતા શખ્શને ઝડપી લઈને દારૂ અને બાઈક સહિતનો મુદામાલ કબજે લઈને આરોપી વિરુદ્ધ કાયદેસર કાર્યવાહી હાથ ધરી છે

મોરબી તાલુકા પોલીસ ટીમ પેટ્રોલિંગમાં હોય દરમિયાન હળવદ હાઈવે રોડ પર આઈટીઆઈ આગળ ઉમા રેસીડેન્સી નજીક કાચા રસ્તા પાસે બાઈક જીજે ૩૬ એબી ૦૨૪૪ ને રોકીને તલાશી લેતા બાઈક સવાર આરોપી દિવ્યરાજસિંહ રાજેન્દ્રસિંહ જાડેજા (ઉ.વ.૨૨) રહે ઉમા ટાઉનશીપ સામે અનંતનગર મોરબી ૨ વાળાને ઝડપી લીધો હતો અને આરોપી પાસેથી ઈંગ્લીશ દારૂની બોટલ નંગ ૦૮ કીમત રૂ ૫૫૫૦ મળી આવ્યો હોય જેથી દારૂ અને બાઈક સહીત કુલ રૂ ૩૦,૫૫૦ નો મુદામાલ જપ્ત કરી વધુ તપાસ ચલાવી છે