Gujarati News

રાજકોટ તા. ૨: કાલાવડના મોટા વડાળા ગામે વાડીમાં મજૂરી કરતી વખતે હલર મશીનમાં ચુંદડી ફસાઇ જતાં મુળ એમપીની યુવતિને ગંભીર ઇજાઓ થતાં સારવાર માટે રાજકોટ ખસેડાઇ હતી. અહિ ગત સાંજે મોત નિપજતાં મજૂર પરિવારમાં શોક છવાઇ ગયો હતો.
બીજલી રામાભાઇ વખલા (ઉ.વ.૧૭) મોટા વડાળા ગામે નિકુંજભાઇ પટેલની વાડીમાં પરિવારજનો સાથે રહી મજૂરી કરતી હતી. ગત ૩૧/૧૦ના રોજ વાડીએ હતી ત્‍યારે હલર મશીનમાં ચુંદડી ફસાતાં ખેંચાઇ જતાં મશીન સાથે અથડાતાં ગંભીર ઇજા થઇ હતી. તેને સારવાર માટે રાજકોટ સિવિલમાં ખસેડાઇ હતી. અહિ મોત નિપજ્‍યુ઼ હતું. તે ચાર બહેન અને ત્રણ ભાઇમાં વચેટ હતી. હોસ્‍પિટલ ચોકીના સ્‍ટાફે કાલાવડ પોલીસને જાણ કરી હતી.મૃત્‍યુ પામનાર યુવતિ મુળ મધ્‍યપ્રદેશના અલિરાજપુરની વતની હતી. યુવાન દિકરીના આકસ્‍મીક મોતથી મજુર પરિવારમાં શોક છવાઇ ગયો હતો.