Gujarati News

(વિનુ જોશી દ્વારા) જૂનાગઢ તા.૩ : જૂનાગઢ જિલ્લાના વંથલી તાલુકામાં થાણાપીપળી ગામના ૨૧ વર્ષીય દીપ જારસાણિયાએ તેના પિતા અશોકભાઇ જારસાણીયાના સહયોગથી પોતાના ખેતરમાં એક વર્ષ પહેલા ડ્રેગન ફ્રુટ 'કમલમ'વાવ્યા હતા. આ શિક્ષિત યુવકે પરંપરાગત ખેતીને જ વ્યવસાય તરીકે અપનાવી. સાથો સાથ પોતાના ખેતેરોમાં આધુનિક ખેતીનો પણ પ્રયોગ પણ શરૃ કર્યો છે.ઙ્ગ દિપભાઇએ વલસાડ પાસેના પરિયાની બાગાયત પોલીટેકનિક કોલેજમાંથી એગ્રીકલ્ચરમાં ગ્રેજયુએશન કર્યુ છે.

એક વર્ષ પહેલા દિપભાઇ અંકલેશ્વરના ખેતરોમાંથી ડ્રેગન ફ્રુટના ૪૫૦ પાંદડાના કટીંગ લઇ આવ્યા હતા. આ કટીંગમાંથી પોલીથીન થેલીઓમાં રોપાઓ તૈયાર કર્યા હતા. એક દોઢ માસમાં આ રોપાઓ તૈયાર થઇ જતાં તેને પોતાના ખેતરોમાં વાવી દે છે. એક વર્ષ બાદ હવે ડ્રેગન ફ્રુટ 'કમલમ'ના વેલા-થાંભલામાંથી ૨૦ થી ૨૫ જેટલા ડ્રેગન ફ્રુટ 'કમલમ'ફુલ્યા ફાલ્યા છે. જોકે વધુ ફાલ બે વર્ષ પછી મળે છે.ઙ્ગ આ ફ્રુટના ઝાડનું સરેરાશ આયુષ્ય ૨૫ વર્ષ જેટલુ હોય છે. આ ડ્રેગન ફ્રુટના ૨૦૦ થી ૨૫૦ રૃ. કિલોએ મળતાં હોવાનું દિપ ભાઇ જણાવે છે.

તેઓ કહે છે કે અમે આ ડ્રેગન ફ્રુટ 'કમલમ'માંથી ચોકલેટ અને જયુસ બનાવીશુ. મારે એક વર્ષમાં જ ફળો આવવાની શરૃઆત થઇ ચૂકી છે. એક વિધામાં મેં ૯૦ સિમેન્ટના થાંભલા-પોલ વેલા બાંધવા તૈયાર કર્યા છે. પ્લાસ્ટીકના પોલ તડકામાં બળી જાય અને લોખંડના પોલ પાણી-માટીમાં કટાઇ જાય તે માટે સિમેન્ટના પોલ બાંધવાનો ખર્ચો થયો હતો. વેલા ઉપર ચડતા જાય છે. અને એલોવેરા જેવા લાંબા અને ઝાડા અણીદાર પાંદડા હોય છે. તેને ટાયરમાં સપોર્ટથી બાધી દેવામાં આવે છે. છે. ૯૦ પોલમાં કુલ ૩૬૦ રોપા ડ્રેગન ફ્રુટના છે. આ સિમેન્ટ પોલની વચ્ચે બચતી જગ્યામાં કપાસ વાવ્યુ છે. 'કમલમ'માં વેલામાં સતત પાંદડા ઉગતા જ રહે છે.

નાયબ બાગાયત નિયામકશ્રી હેમાંશુ ઉસદળિયાએ કહયુ હતું કે, ડ્રેગન ફ્રુટ 'કમલમ'ની મેડીસનલ વેલ્યુ હોવાથી તેના ભાવ અન્ય ફ્રુટની તુલનાએ વધુ મળે છે. અને તેથી જ આ ફ્રુટ 'કમલમ'ને પ્રમોટ કરવા સરકારી સ્તરે સારી એવી સહાય ખેડૂતોને આપવામાં આવે છે. કમળ જેવો આકાર હોવાથી સરકારે ડ્રેગન ફ્રુટનું નામ 'કમલમ' આપ્યુ છે.ઙ્ગ

મદદનીશ બાગાયત નિયામકશ્રી વિશાલ હદવાણીએ જણાવ્યુ હતું કે રાજય સરકાર દ્વારા પ્રતિ હેકટર દીઠ રૃ. ૩ લાખની ડ્રેગન ફ્રુટની ખેતી કરનારને મળે છે જેમાં પ્રથમ વર્ષે રૃ. ૨૪૪૪૨૦ અને બીજા વર્ષે રૃ.૫૫૫૮૦ ની સહાય કરવામાં આવે છે. ખર્ચ સામે અઢી લાખ જેટલી સહાય આપવામાં આવે છે.ઙ્ગ

જૂનાગઢ જિલ્લામાં હાલમાં આની ખેતી નવી છે. આઠેક હેકટરમાં ડ્રેગન ફ્રુટની ખેતી- વાવેતર થઇ રહયુ છે. કોરોના કાળમાં આ ફ્રુટની ડિમાન્ડ બહુ રહેતી હતી. હજુ પણ લોકોને આ ફળ પંસદ આવી રહયુ છે. તેના ભાવ પણ સારા મળતા હોય છે. છુટક એક ફ્રુટના જ ભાવ ૧૫૦ થી ૨૦૦ રૃપિયા હોય છે. આ ઉપરાંતઙ્ગદિપભાઇએ તેમના ૩ મિત્રો સાથે મળીને મધ ઉછેર કેન્દ્ર પણ શરૃ કર્યુ છે. ૧૪૦ ઇઝરાયેલી મધપુડાની પેડીથી તેઓ મધ એકત્રિત કરી તેમાંથી અન્ય કેટલીક પ્રોડકટ પણ બનાવે છે.