Gujarati News

(પ્રવિણ વ્‍યાસ દ્વારા) મોરબી તા. ૩ : ટંકારામાં છેલ્લા બે વર્ષર્થી ઘરફોડ ચોરી અને બાઈક ચોરીના ગુનામાં નાસતા ફરતા રીઢા ચોરને મોરબી પેરોલ ફર્લો સ્‍કવોડે ઝડપી લીધો હતો.

પ્રાપ્ત વિગતો અનુસાર એલસીબી પીઆઇ એમ.આર.ગોઢાણીયાના માર્ગદર્શન હેઠળ પીએસઆઈ એન.બી. ડાભી,ﾠએન.એચ.ચુડાસમા,ﾠએ.ડી.જાડેજા સહિતની પેરોલ ફર્લો સ્‍કવોડના પો.હેડ કોન્‍સ. પૃથ્‍વીરાજસિંહ જાડેજા,ﾠદશરથસિંહ ચાવડા,ﾠસહદેવસિંહ જાડેજાને ચોક્કસ બાતમી મળી હતી કે,ﾠટંકારા પોલીસ મથક ખાતે આઇ.પી.સી.કલમ-૩૮૦,૪૫૭ તથા આઇ.પી.સી. કલમ ૩૭૯ મુજબના ગુનાના કામે નાસતો ફરતો મૂળ દાહોદનાﾠﾠમોટા પાવગામનો રહેવાસીﾠﾠઆરોપી કૈલાશ પેનો વસુનીયા ઘરફોડ ચોરી અને બાઈક ચોરીના ગુનામાં બે વર્ષથી ફરાર છે અને હાલ તે લતીપર ચોકડી પાસે છે.ﾠજેના આધારે પોલીસે ઘટના સ્‍થળે દરોડા પાડીને આરોપી કૈલાશને પકડી પાડી ટંકારા પોલીસ મથક ખાતે સોંપીﾠﾠઆગળની કાર્યવાહી હાથ ધરી હતી.