Gujarati News

(પ્રવિણ વ્‍યાસ દ્વારા) મોરબી તા. ૩ : મોરબીમાં જુગારની મૌસમ ખીલી હોય તેમ અલગ-અલગ ૪ દરોડોમાં ૬ મહિલા સહિત ૨૦ પત્તાપ્રેમીઓને પત્તા ટીંચતા ઝડપી લીધા હતા.

પ્રથમ દરોડામાં સીટી બી ડીવીઝન પોલીસને ચોક્કસ બાતમી મળી હતી કે,ﾠચિરાગ રમેશભાઇ સરડવા પીપળી રોડ હરીગુણ બિઝનેસ સેન્‍ટરમાં આવેલ તેના કબ્‍જા વળી લોરીયસ સિરામિક નામની દુકાન નં.૨૮માં જુગારીઓને બોલાવી જુગાર હોય પોલીસે દરોડા પાડી આરોપી ચિરાગ રમેશભાઇ સરડવા, કયુર ઉર્ફે અલ્‍પો નાગજીભાઇ બાવરવા,ﾠબંસી હરગોવિંદભાઇ અધારા,ﾠહસમુખ શાંતીલાલભાઇ દેસાઇ અને જીગ્નેશ નવલભાઇ મેરજાને જુગાર રમતા રોકડા રૂપિયા ૪૩,૯૦૦ અને ગંજીપત્તા સાથે ઝડપી લીધા હતા.

વજેપર નજીક સીટી એ ડિવીઝન પોલીસની ટીમ પેટ્રોલિંગમાં હતી. એ સમય દરમિયાન વજેપર શેરી નં.૧૫ ના નાકા પાસે ખુલ્લી જગ્‍યામાં ગીરીશ નારણભાઈ કણઝારીયા,ﾠફારૂક ઈકબાલભાઈ પાયક અને નારણ નરશીભાઈ કણઝારીયા જાહેરમા જુગાર રમતા રોકડા રૂા. ૧૪૦૦ અને ગંજીપત્તા સાથે ઝડપી લીધા હતા.

ત્રીજા દરોડામાં મોરબીના પંચાસર રોડ પર સીટી એ ડિવીઝન પોલીસની ટીમ પેટ્રોલિંગમાં હતી. એ સમય દરમિયાન ગીતા ઓઈલ મીલની પાસે જાહેરમાં જુગાર રમતા જુસબ અલ્લારખાભાઈ ચાનીયા,ﾠમુસ્‍તાક ઉર્ફે બાબુ હાજીભાઈ સઈચા,ﾠﾠરફીક તારમામદભાઈ સુમરા,ﾠકાસમ દાઉદશા શાહમદાર,ﾠમુનીર અકબરભાઈ રાઉમા અને શૌકત અલીભાઈ બાંભણીયાને રોકડા રૂા. ૨૧,૨૦૦ સાથે પકડી પાડી ધોરણસરની કાર્યવાહી કરી હતી.ચોથા દરોડામાં સીટી બી ડીવીઝન પોલીસની ટીમ વીસીપરામાં પેટ્રોલિંગમાં હતી. એ સમય દરમિયાન લાયન્‍સનગર અશોકભાઇ ચાવડાની કેબીન સામે ખુલ્લામાં જાહેરમાં જુગાર રમતા ચેતનાબેન નવીનભાઇ ગુર્જર,ﾠસોનલબેન નવીનભાઇ ગુર્જર,ﾠમનીષાબેન પ્રવિણભાઇ ચુડાસમા,ﾠગીતાબેન વિશ્રામભાઇ ગણતરા જાતે,ﾠજોશનાબેન કાંતીભાઇ દવેﾠﾠઅને જોશનાબેન દિલીપભાઇ સોલગામાને રોકડા રૂા. ૧૬૧૨૦ તથા ગંજીપત્તા સાથે ઝડપી લીધા હતા.