Gujarati News

(દિનુભાઇ દેવાણી દ્વારા) કેશોદ તા.૭ ગયા ગુરૂવાર તા.૧ના રોજ વિધાનસભાના આ વિસ્‍તારના પ્રતિનિધિ માટે થયેલા મતદાનની ગણત્રી આવતીકાલે થનાર છે ત્‍યારે આ વિસ્‍તારના આગામી પાંચ વરસ માટે કયો ઉમેદવાર વિજેતા જાહેર થશે તેની ભારે આતુરતા પૂર્વક શહ જોવાય રહી છે સંબંધકર્તાઓ માટે આ આતુરતા એક મિનિટ એક કલાક જેવી અનુભવાય છે.

વિધાનસભાના કેશોદના પ્રતિનિધિ સાથે આ વાતને લાગેવળગે છે. ત્‍યાં સુધી આ માટે(૧) દેવાભાઇ માલમ(ભાજપ) હિરાભાઇ જોટવા(કોંગ્રેસ) રામજીભાઇ ચુડાસમા(આમ આદમી) અને અરવિંદભાઇ લાડાણી(અપક્ષ) વચ્‍ચે રસાકસી છે. અને આ મુખ્‍ય ચાર હરીફોમાંથી કોંગ્રેસના હિરાભાઇ જોટવા દસેક હજાર મતની સરસાઇ સાથે વિજેતા બને તેવી શકયતા જોવાય રહી છે.

આ બેઠક છેલ્‍લા-૨૭ વર્ષથી ભાજપના કબ્‍જામાં છે અને તે માટે ભાજપના કાર્યકરો એવો દાવો કરી રહયા છે કે ગમે તેમ થાય પણ કેશોદની બેઠક ભાજપના ફાળે જ જાય પરંતુ આ વખતની સ્‍થિતિ જાણકારોના જણાવ્‍યા મુજબ આ વખતની સ્‍થિતિ કાંઇક અલગ જ જણાય રહી છે અને જો આ બેઠક કોંગ્રેસી ઉમેદવાર આંચકી જશે તો કેશોદ વિધાનસભા મતક્ષેત્રના રાજકારણમાં ધરતીકંપ જેવી સ્‍થિતિ ઊભી થશે એ હકિકત છે. કોંગ્રેસી ઉમેદવાર વિજેતા જાહેર થશે તો  જેમ ૨૭ વર્ષથી ભાજપે આ બેઠક ઉપર પકડ જમાવી તેમ આગામી ૨૭ વર્ષ સુધી કોંગ્રેસ પકડ જમાવી રાખશે તે પણ એટલુ જ સત્‍ય છે.

જુનાગઢ કૃષિ યુનિવર્સિટી ખાતે યોજાનારી આ ગણત્રી માટે સંબંધકર્તા તરફથી તમામ તૈયારીઓ કરી લેવામાં આવી છે અને સંભવત આવતીકાલે ૧૧ વાગા સુધીમાં ચિત્ર ચોખ્‍ખુ થઇ જશે.