Gujarati News

Gujarati News

News of Thursday, 10th September 2020

ભુજમાં અમદાવાદ એલસીબીના પીએસઆઇના પુત્ર પાસે છરીની અણીએ ૧૨ હજારની લૂંટ

કડક કાયદાઓ વચ્ચે ભુજીયા ડુંગર આસપાસ લુખ્ખા તત્વોને ડામવા જરૂરી

(વિનોદ ગાલા દ્વારા) ભુજ તા. ૧૦ : સરકાર દ્વારા પ્રજાના હિતમાં ગુનાખોરી સંદર્ભે કરાયેલા કડક કાયદાઓ વચ્ચે લુખ્ખા તત્વો ઉપર પોલીસનો અંકુશ જરૂરી છે. ભુજમાં ભુજીયા ડુંગર, ઉપરાંત આસપાસના રિંગરોડ, બાયપાસ રોડ ઉપર લુખ્ખા તત્વોનો આતંક વધી રહ્યો છે. પોલીસ ચોપડે નોંધાયેલા નાના મોટા અનેક કેસો વચ્ચે ગઈકાલે અમદાવાદ એલસીબીના પીએસઆઇના પુત્ર પાસેઙ્ગ છરીની અણીએ કરાયેલી લૂંટની ઘટનાએ ચકચાર સર્જી છે.

૨૮ વર્ષીય મોહમ્મદ આરીફ જત તેના મિત્ર સાથે રાત્રે ૧૦ વાગ્યે એકિટવા ઉપર જઇ રહ્યો હતો ત્યારે ભુજીયા રિંગ રોડના આત્મારામ સર્કલ પાસે બાઈક ઉપર આવેલા ચાર શખ્સોએ છરીની અણીએ ૧૨ હજારની લૂંટ ચલાવી હતી.

જોકે, ફરિયાદીએ બુમાબુમ કરતા મોબાઈલ અને એકિટવા ઝુંટવવાની લૂંટારુઓની કોશિશ નિષ્ફળ થઈ અને નાસી છૂટ્યા હતા. દરમ્યાન ફરિયાદી પોલીસ કર્મીનો પુત્ર હોઈ ભુજ પોલીસ દોડતી થઈ હતી અને આરોપીઓને પકડી પાડ્યા હતા. જોકે, લુખ્ખા તત્વો ઉપર પોલીસનો ડર જરૂરી છે.

(12:44 pm IST)
  • આજે બપોરે સેન્‍સેકસ ૬૪૬ પોઈન્‍ટના ઉછાળા સાથે ૩૮,૮૪૦ ઉપર બંધ રહેલ : નીફટીમાં ૧૭૧ પોઈન્‍ટનો મોટો ઉછાળો આવ્‍યો હતો અને ૧૧,૪૪૯ એ બંધ રહ્યો છે : સોનાનો ભાવ ૫૧,૨૨૬ હતો જયારે ચાંદીનો ભાવ ૬૫,૫૭૯ રહ્યાનું સી.કે. ફાયનાન્‍શીયલ્‍સે જણાવ્‍યુ છે access_time 5:54 pm IST

  • વિમાના પ્રિમીયમ ઉપર હાલનો ૧૮% જીએસટી દર ઘટાડીને ૫ ટકા કરવા માટે આઈઆરડીએઆઈ એ નાણામંત્રી નિર્મલા સીતારમનનો સંપર્ક સાધ્‍યો છે : કોરોના મહામારીમાં જીએસટી દર ઘટાડવાથી વિમા ક્ષેત્રને નવુ જોમ મળશે access_time 5:56 pm IST

  • તમારા પિતાશ્રી બાલ ઠાકરેના પુણ્ય પ્રતાપે તમે નાણાં કમાઈ શક્યા છો આબરૂ નહીં : મારુ મોઢું બંધ કરશો પણ મારો અવાજ લાખો લોકોના દિલમાં પહોંચશે : કેટલાકના મોઢા બંધ કરશો ? : તમે વંશવાદનો નમૂનો છો : ટ્વીટરના માધ્યમથી કંગના રનૌત દ્વારા ઉધ્ધવ ઠાકરે ઉપર વાક્બાણની વર્ષા access_time 2:13 pm IST