Gujarati News

Gujarati News

News of Friday, 11th June 2021

ઉપલેટામાં ટેકાના ભાવમાં સોળસોથી વધુ રજીસ્ટ્રેશન દૈનિક ખરીદી માત્ર ચાર ખેડુતોનીઃ કિશાનસભાનું આવેદનપત્ર

(જદગીશ રાઠોડ દ્વારા) ઉપલેટા તા. ૧૧ : ઉપલેટા પંથકમાં મોજ ડેમ વેણું ર ડેમ ભાદર ડેમનું પાણી રવિપાકને સંપુર્ણ મળેલ હોવાથી ઘઉંનું ઉત્પાદન પુષ્કળ થયેલ છે ખેડુતે ટેકાના ભાવ રૂ.૩૯પમાં ઘઉં વેચવા માટે રજીસ્ટ્રેશન કરાવેલ છે ખુલ્લા બજારમાં રૂ.૩૦૦ થી ૩રપ હોવાથી ટેકાના ભાવમાં વળતર સારૂ હોય માટે ૧૬૦૦ થી વધુ ખેડુતોએ ઘઉં વેચવા માટે રજીસ્ટ્રેશન કરાવેલ છે આજની સ્થિતીએ ખેડુતોને ખરીફ પાકના વાવેતરની તૈયારી કરવા માટે બિયારણ ખાતર ખરીદવા તેમજ ખેત ધિરાણ ભરવા નાણાંની ખાસ જરૂરીયાત છે તેવા સમયે જ ભાવના ઘઉં ખરીદવાની ગતી ખુબજ મંદ છે. દશ દિવસમાં માત્ર ૧પ ખેડુતોના ઘઉં ખરીદયા છે. આ સ્થિતિમાં કયારે ઘઉં વેચાય અને કયારે નાણા મળે તેની મુંઝવણ વધી ગઇ છે.

ગુજરાત કિશાનસભાના રાજય પ્રમુખ ડાયાલાલ ગજેરા તેમજ કિશાનસભાના આગેવાન લખમણભાઇ પાનેરા, ખીમાભાઇ આલએ જીલ્લા પુરવઠા નિગમના મેનેજરને આવેદનપત્ર આપેલ છે તેમાં જણાવેલ છે કે ખેડુતોને નાણાની ખુબજ જરૂર છે ત્યારે ઘઉં ખરીદવાની કામગીરી તેજ કરવી જોઇએ જેથી વહેલીતકે ખેડુતના હાથમાં નાણા આવે ખરીફ પાકના વાવેતરની તૈયારી કરી શકે ટેકાના ભાવથી ખરીદીમાં ઝડપ નહી આવે તો પુરવઠા નિગમની કચેરી સામે ઉપવાસમાં બેસી જવાની ફરજ પડશે તેવું અંતમાં જણાવેલ છે.

(11:47 am IST)
  • સીનીયર ક્લાર્ક માટેની પરીક્ષા ૩૧ જુલાઈએ લેવાશે : ગૌણ સેવા પસંદગી મંડળે સીનીયર ક્લાર્કની પરીક્ષા માટેની તારીખ જાહેર કરી દીધી. હવે ૩૧ જુલાઈએ લેવાશે સીનીયર ક્લાર્ક માટેની પરીક્ષાઓ લેવાશે. અગાઉ ૨૪ જુલાઈનુ આયોજન હતુ પરંતુ હવે તે તારીખ થોડી પાછી લઈ જાય અને ૩૧ જુલાઈ કરવામાં આવી છે. access_time 9:53 pm IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST