Gujarati News

રાજકોટ તા. ૧૩ : જિલ્લા પંચાયતની લોધિકાની અનુસૂચિત જાતિ અનામત બેઠક માટે ભારે ખેચતાણના અંતે કોંગ્રેસે ખીરસરાના ભીખાભાઇ સાગઠિયાને ટીકીટ ફાળવી છે. કોંગ્રેસે બાકી રહેલી એક માત્ર બેઠક જાહેર કરી દીધી છે. આજ ટીકીટના પ્રબળ દાવેદાર મનોજ રાઠોડને તાલુકા પંચાયતની પસંદગીની બેઠક લડવા પાર્ટીએ ઓફર કરી છે તે માટે તેઓ વિચારી રહ્યા છે. લોધિકા પંચાયતમાં કોંગીની બહુમતી આવે તો રાઠોડને પ્રમુખપદ મળવાપાત્ર છે.

જિલ્લા પંચાયતની ટીકીટ માટે વિવાદ વકરતા મનોજ રાઠોડ હટી ગયા હતા. ગઇ મોડીરાત્રે કોંગીએ સાગઠિયાના નામ પર મહોર મારી હતી. કોંગીના બાકીના ઉમેદવારો આજે ફોર્મ ભરશે.