Gujarati News

રાજકોટઃ કુવાડવાના મઘરવાડા ગામ પાસે રોડ પરથી જીવદયા પ્રેમીઓ અને પોલીસે જીજે૦૩બીવી-૬૭૬૩ નંબરની બોલેરો પીકઅપવેન અટકાવતાં તેમાં ૧૧ ભેંસના બચ્ચાઓને ખીચોખીચ દોરડાથી બાંધી રખાયા હોઇ ગાડીના ચાલક બોદુ નુરમહમદ કટારીયા (ઉ.વ.૪૦-રહે. લાખાજીરાજ સોસાયટી-૨ દૂધસાગર રોડ) તથા સાથેના અમરૂ છગનભાઇ માથાસુરીયા (ઉ.વ.૩૫-રહે. મઘરવાડા ગામ, ખોડાભાઇ ભવરાડની જગ્યામાં) વિરૂધ્ધ પશુ પ્રત્યે ઘાતકીપણુ અટકાવવાની કલમ ૧૧ (૧) એ ડી મુજબ ગુનો નોંધી બંનેની ધરપકડ કરી ૧૧ બચ્ચાઓને મુકત કરાવ્યા હતાં. આ મામલે કુવાડવા રોડ પોલીસ સ્ટેશનના કોન્સ. મેહુલભાઇ જે. મઢવીએ ફરિયાદી બંને બંને વિરૂધ્ધ ગુનો નોંધ્યો છે. વધુ તપાસ હેડકોન્સ. એ. પી. નિમાવત કરી રહ્યા છે.