Gujarati News

રાજકોટ, તા., ૧૭: ગોંડલ તાલુકાના દેરડી (કુંભાજી)માં તા.ર૩ને શુક્રવારે સ્વામી શ્રી પૂ.નિર્દોષાનંદજી સન્યાસ આશ્રમે ગુરૂપુર્ણિમા મહોત્સવ કોરોના મહામારીના કારણે રદ કરેલ છે.

ગુરૂપુર્ણિમાના અનુસંધાને દેરડી (કુંભાજી) આશ્રમે તા.ર૩ને શુક્રવારના રોજ સવારે ૯ થી ૧૧.૩૦ દરમિયાન સ્વામીજી  ગુરૂપુજન કરી પ્રાસંગીક આશીર્વચન પાઠવશે. જેનું લાઇવ પ્રસારણ-સદવિદ્યા ટીવી તેમજ યુ-ટયુબનાં માધ્યમથી કરવામાં આવશે. જેને સર્વે સત્સંગીજનો ઘરબેઠા નિહાળી શકશે.

સત્સંગીજનોએ માનસીક રીતે આ કાર્યક્રમ સાથે જોડાઇને પોત-પોતાના ઘરે ગુરૂદેવની પ્રતિમાને સુંદર આસન પર બિરાજમાન કરાવી લાઇવ પ્રસારણનાં માધ્યમ દ્વારા પૂજન-અર્ચન-વંદન કરવુ અને સત્સંગ-પ્રવચનનો લાભ લઇ શકશે.

આ ઉપરાંત  સમગ્ર માનવજાતી કોરોના મહામારીમાંથી મુકત થાય, સમગ્રવિશ્વમાં શાંતિ સ્થપાય તેમજ સૌનું કલ્યાણ થાય એ માટેે સ્વામીજીની પ્રેરણા અનુસાર તા.ર૩-૭-ર૦ર૧ના રોજ ગુરૂપુર્ણિમાની રાત્રે ૯ થી ૯.૩૦ દરમિયાન સર્વે સત્સંગીજનોએ પોત-પોતાના ઘરે મહામૃત્યુંજય મંત્ર- ઓમ ત્ર્યમ્બકં યજામહે...નો જપ કરી પોતાના આધ્યાત્મીક વિકાસ માટે મહાદેવને પ્રાર્થના કરવી તેમ સ્વામીશ્રી નિર્દોષાનંદજી સત્સંગ મંડળ દેરડી (કુંભાજી) ગામ સમસ્ત દ્વારા જણાવાયું છે.