Gujarati News

Gujarati News

News of Tuesday, 18th May 2021

જુનાગઢ જિલ્લામાં વાવાઝોડાના કારણે તબાહીઃ ૧૪૬ વીજ થાંભલા અને ૩૭પ વૃક્ષો ધરાશાયી

૩પ૭ ગામોમાં વીજ પુરવઠો ઠપ્‍પ-પાંચ રસ્‍તા બંધ

(વિનુ જોશી દ્વારા) જુનાગઢ તા. ૧૮: જુનાગઢ જિલ્લામાં વાવાઝોડાનાં કારણે તબાહી જોવા મળી છે. જોકે તંત્ર દ્વારા તમામ પ્રકારની કામગીરી હાથ ધરવામાં આવી છે.

 

તોકતે વાવાઝોડાને લઇ જુનાગઢ જિલ્લાનાં દરિયાઇ વિસ્‍તારોએ સૌથી વધુ સઅર થઇ હોવાનાં અહેવાલ છે.

જુનાગઢ ડિઝાસ્‍ટર મેનેજમેન્‍ટના સુત્રોમાં જણાવ્‍યા મુજબ જુનાગઢ જિલ્લામાં ૩૭પ વૃક્ષો જમીન દોસ્‍ત થતાં માર્ગ વ્‍યવહારને અસર થઇ છે અને પાંચ રસ્‍તા બંધ થઇ જતાં ટ્રાફિકને અન્‍ય રસ્‍તા પર ડાયવર્ટ કરવાની ફરજ પડી છે.

તોફાની પવન સાથે ફુંકાયેલા વાવાઝોડાની સૌથી વધુ અસર વીજ તંત્રને થવા પામી છે જેમાં ૧૪૬ જેટલા વીજ થાંભલા જમીન દોસ્‍ત થતાં ૩પ૭ જેટલા ગામોમાં વીજપુરવઠો ખોરવાય ગયો છે.

આ ગામોમાં વીજ પુરવઠો પૂર્વવત કરવાની કામગીરી પીજીવીસીએલ તંત્ર દ્વારા યુદ્ધનાં ધોરણે હાથ ધરવામાં આવી છે.

વાવાઝોડાથી અસરગ્રસ્‍ત થયેલા તમામ ગામો-વિસતારોમાં જરૂરી પ્રાથમિક સુવિધા માટે તંત્ર દ્વારા કવાયત હાથ ધરવામાં આવી છે

(11:23 am IST)
  • બંગાળની રાજનીતિમાં જબરો ગરમાવો : પશ્ચિમ બંગાળના નારદા સ્ટિંગ કેસમાં CBI દ્વારા ધરપકડ કરાયેલા ચાર ટીએમસી નેતાઓની જામીન પર કલકત્તા હાઇકોર્ટે મોડી સાંજે રોક લગાવીને સ્ટે આપ્યો છે. હાઇકોર્ટે આ કેસમાં આગામી સુનાવણી માટે 19 મેની તારીખ નક્કી કરી છે. access_time 11:28 pm IST

  • તૌકતે ઇફેક્ટ : ગીરસોમનાથ જિલ્લાના તલાળામાં એક મોબાઈલ ટાવર ધરાશાયી થવાના સમાચાર આવ્યા છે. દયાનંદ સોસાયટીમાં અગાશી પર લગાવેલા મોબાઈલ ટાવર ધરાશાયી થયો છે. ચક્રવાતના ભારે પવનના કારણે મોબાઈલ ટાવર ધરાશાયી થયો છે. સદનસીબે કોઈ જ જાનહાનિના સમચાર આવ્યા નથી. access_time 1:40 am IST

  • અમદાવાદમાં બે કલાકથી ભારે વરસાદ : ટ્રાફીક જામ : આ લખાય છે ત્યારે બપોરે ૩ વાગ્યે અમદાવાદમાં ભારે થી અતિભારે વરસાદ પડી રહ્ના છે : છેલ્લી બે કલાકથી વરસાદ ચાલુ છેઃ વાવાઝોડુ ‘તૌકતે’ અત્યારે અમદાવાદ પંથકમાંથી પસાર થઈ રહ્ના છે : રાજકોટ - અમદાવાદ હાઈવે ઉપર ચાંગોદર પાસે ૦ા-૦ા ફૂટ પાણી ભરાયા : જબ્બર ટ્રાફીક જામ access_time 3:17 pm IST