Gujarati News

 (વિનોદ ગાલા દ્વારા)  (ભુજ) ભારે ઉકળાટ અને બફારા પછી મેઘરાજાએ આજે પૂર્વ કચ્છ અને પશ્ચિમ કચ્છ બન્નેમાં પોતાની એન્ટ્રી કરી છે. આજે જિલ્લાના ૪ તાલુકાઓ ઉપર મેઘરાજાએ પોતાનું હેત વરસાવ્યું છે. આજે બપોરે ૧૨ વાગ્યા બાદ પલટાયેલા વાતાવરણ પછી સાંજે ૬ વાગ્યા સુધી વરસાદના આંકડા આ પ્રમાણે છે. ભુજમાં બે ઈંચ, નખત્રાણામાં એક ઈંચ, ગાંધીધામ અને રાપરમાં અડધો ઈંચ વરસાદ નોંધાયો છે. જોકે, પૂર્વ કચ્છમાં સતત બીજે દિવસે વરસાદ પડ્યો છે.