Gujarati News

 પોરબંદરઃ જીલ્લા સેવા સદન ખાતે જિલ્લા કલેકટર અશોક શર્માના અધ્યક્ષ સ્થાને જિલ્લા સંકલન સહ ફરિયાદ સમિતિની બેઠક યોજાઇ હતી. આ બેઠકમાં જુદા જુદા મુદ્દાઓ પર ચર્ચા કરવાની સાથે ગુડ ગવર્નન્સ અભિગમ અંતર્ગત જીલ્લાની નગરપાલિકાઓ, હોસ્પિટલ, આરોગ્ય કેન્દ્રો, દવાખાનાં, પંચાયતો સહિત કચેરીઓમાં સીટીઝન્સ ફિડબેક સીસ્ટમ અમલમાં મુકવાનું નક્કી થયું હતું. આ ઉપરાંત ટીમ પોરબંદરના અધિકારીઓ દ્વારા કોઇપણ નાગરિક કે સંસ્થા પાસેથી દિવાળી ગિફ્ટ ન લેવા સંકલ્પ લેવામાં આવ્યો હતો. આ સંકલ્પ પારદર્શક વહીવટ અને પ્રજાભિમુખ વહીવટના ભાગ રૂપે લીધો હતો. આ બેઠકમાં જિલ્લા વિકાસ અધિકારી વી. કે. અડવાણી, અધિક કલેકટર એમ.કે.જોશી,સીટી ડી.વાય.એસ.પી, પ્રાંત અધિકારીઓ તેમજ આરોગ્ય, ખેતી, આયોજન, સીટી સર્વે ,શિક્ષણ સિંચાઈ સહિતની કચેરીઓના જિલ્લાના અધિકારીઓ ઉપસ્થિત રહ્યા હતા.