Gujarati News

(પ્રવિણ વ્‍યાસ દ્વારા) મોરબી,તા૧૯:  મોરબીમાં નવયુગ ગ્રુપ ઓફ એજયુકેશનના પ્રમુખ પી ડી કાંજીયાના પુત્ર ક્રિષ્‍નનો જન્‍મ દિવસ હોવાથી જન્‍મદિવસની પ્રેરણાદાયી ઉજવણી કરવામાં આવી હતી જેમાં જે દંપતી માતા-પિતા બનવા જઈ રહ્યા છે તેમને ‘ગર્ભ સંહિતા'ભાગ ૧ અને ૨ પુસ્‍તકો ભેટ સ્‍વરૂપે આપી અને જે માતા-પિતા બની ચૂક્‍યા છે તેમને બાળકોનો ઉછેર કેવી રીતે કરવો તે માટે ‘બાળ ઉછેર બે હાથમાં' પુસ્‍તકો ભેટ સ્‍વરૂપે આપવામાં આવી હતી

અગાઉ આ પુસ્‍તકો ૧૦૦૦ નંગની આસપાસ પી. ડી. કાંજિયા દ્વારા જરૂરિયાત ધરાવતા લોકોને આપવામાં આવેલ હતી આજે ક્રિષ્‍નના જન્‍મદિવસ નિમિત્તે ૨૦૦ થી વધુ પુસ્‍તકોનું ભેટ સ્‍વરૂપે વિતરણ કરવામાં આવેલ. આ સિવાય શિયાળાની કાતિલ ઠંડીથી બચવા બ્‍લેન્‍કેટ જરૂરિયાત મંદ લોકોને વિતરણ કરવામાં આવેલ તેમજ ગાય માતાને ઘાસચારો આપેલ આટલું કાર્ય કરવા ઉપરાંત સરકારી શાળાઓમાં જઈને ૨૫૦૦ જેવા વિદ્યાર્થીઓને અલ્‍પાહાર કરવો હતો.