Gujarati News

(ધર્મેશ કલ્યાણી દ્વારા) જસદણ ,તા. ૧૯: ટીટુ મીર, જેનું અસલી નામ સૈયદ મીર નિસાર અલી હતું તે ભારતના સ્વતંત્રતા સંગ્રામની અનેક લડત માટે પ્રેરણારૂપ બન્યા હતા. ટીટુ મીરનો જન્મ પશ્ચિમ બંગાળના નાર્કેલબેરિયા પરગણા, હૈદરપુર ગામમાં ૧૭૮૨ માં ખેડૂત પરિવારમાં થયો હતો. સૈયદ મીર હસન અલી, આબીદા રોકૈયા ખાતુન તેના માતાપિતા હતા. તે નાની ઉંમરે એક પ્રખ્યાત કુસ્તીબાજ હતો અને અનેક કામમાં રોકાયો હતો.

સૈયદ મીર નિસાર અલી ૧૮૨૨ માં મક્કાની યાત્રાએ ગયા અને પરત આવ્યા પછી, તેઓ હૈદરપુર સ્થાયી થયા. તેમણે વિસ્તૃત મુસાફરી કરી અને ઇસ્ટ ઇન્ડિયા કંપની દ્વારા અપાતા અત્યાચારો જોયા. સૈયદ મીર નિસાર અલી એ આ શોષણકારોની ચુંગાલમાં ફસાયેલા અનેક લોકોની હાલાકી જોઈ. ટીટુ મીરે એ આ શોષણ નો અંત લેવાનો નિર્ણય કર્યો તેના આધ્યાત્મિક અભિયાનની સાથે વિદેશી શાસકો વિરુદ્ઘ બળવો કરવા માટે લોકોને ઉશ્કેરવાની ઝુંબેશ હાથ ધરી.

તેમણે બ્રિટિશ પોલીસ અને ઇસ્ટ ઇન્ડિયા કંપની સશસ્ત્ર દળો સામે સશસ્ત્ર સંદ્યર્ષ શરૂ કર્યો. જમીનદારો અને તેના માણસો દાઢી રાખવા અને મુસ્લિમોને પજવતા અને વેરા વસૂલતા હતા. કંપનીના શાસકો દ્વારા લાદવામાં આવતા જુલમ કર અને સ્થાનિક જમીનદારોની અમાનવીય પ્રવૃત્ત્િ।ઓનો વિરોધ કરતાં ટીટુ મીરે જાતે જ અનેક બળવાઓ ની શરૂઆત કરી. ટીટુ મીરને જમીનદારો, મહાઝનો અને બ્રિટીશ દળ દ્વારા સામાન્ય લોકો પર અત્યાચાર અને હુમલાઓથી થતી ચિંતા સતાવતી હતી.સૈયદ મીર નિસાર અલી એટલા હિંમતવાન હતા કે તે ઈસ્ટ ઇન્ડિયા કંપનીના અધિકારીઓને અને પોલીસને અગાઉથી જ તેના હુમલાઓ વિશે જાણ કરતો હતો. તેમનો હિંમતવાન અભિગમ ગરીબોને પોતાની તરફ આકર્ષિત કરતો હતો. ધાર્મિક અને ખાસ વર્ગના અવરોધોને ધ્યાનમાં લીધા વિના હજારો લોકો તેમની બળવામાં તેમની પાછળ ગયા અને પોલીસ અને બ્રિટીશ દળો સામે તેમના માટે લડ્યા. ટીટુ મીરે નરકેલબેરિયામાં વાંસનો કિલ્લો બનાવ્યો જયાં તેમણે તેમના અનુયાયીઓને સશસ્ત્ર સંઘર્ષમાં તાલીમ આપી અને લગભગ એક દાયકા સુધી ઇસ્ટ ઇન્ડિયા કંપનીના શાસકોને ડરાવ્યાં . બ્રિટિશ સેનાપતિઓએ સૈયદ મીર નિસાર અલી (ટીટુ મીર) ના કિલ્લા પર ૧૯ નવેમ્બર, ૧૮૩૧ ના રોજ નર્કેલબેરિયા પર હુમલો કર્યો, જેમાં તેમનુ નિધન થયું હતું.