Gujarati News

જામનગર : તાલુકાના વીજરખી ગામમાં રહેતા રામુબેન બાબુભાઈ લીલાપરાએ ગ્રામ પંચાયતની સરપંચની ચુટણીમાં સભ્ય તરીકે ઉમેદવારી નોંધાવેલ હોય જેથી આ કામના હોદારોએ આ કામના ફરીયાદીના રહેણાક મકાનના ફળીયામાં પ્રવેશ કરી આરોપી ભરતસિહ અમરસિંહ ઝાલાએ સામુબેનને કહેલ કે તારે અમારા સામે ચુટણી લડવી છે તેમ કહીને જેમ ફાવે તેમ ગાળો બોલી આરોપી યુવરાજસિંહ સરદારસિહ પિગળનાએ ફરી.ને જમણા હાથના બાવડામાં તથા ગળાની ડાબી બાજુ લાકડીનો ઘા મારી મુંઢ ઇજાઓ પહોંચાડી આરોપી પ્રદિપસિંહ નવલસિહ ઝાલાએ સામુબેનના દિકરા અરવીંદભાઇને ડાબી આંખની નિચેના ભાગે તથા ડાબા પગના સાથળમાં એક – એક લાકડીનો ઘા મારી ઇજાઓ પહોંચાડી તેમજ અજાણ્યા ઇસમે ફરીના દિકરાને ઢીકા પાટુનો માર મારી ચારેય આરોપીઓએ સામુબેનને કહેલ કે ચુટણીમાં ઉમેદવારી કરશો તો જાનથી મારી નાખીશુ તેવી ધમકી આપી હતી.
જે અંગેની સામુબેને પોલીસમાં ફરિયાદ નોંધાવતા PSI જે.કે રાઠોડે એક અજાણ્યા સહિત ચાર શખ્સો સામે ઇ.પી.કો.કલમ -૩૨૩,૩૨૪,૫૦૪,૫૦૬ ( ૨ ) , ૪૫૨ , ૧૧૪ તથા જી.પી.એકટ ૧૩૫ ( ૧ ) મુજબ ગુન્હો નોંધી આરોપીઓની શોધખોળ આદરી છે.