Gujarati News

જુનાગઢ : ચૂંટણી મતદાનમાં વધારો થાય તેવા શુભ હેતુથી જૂનાગઢ શ્રી રૂદેશ્વર જાગીર ભારતી આશ્રમથી કાળવા ચોક સુધી ઇન્‍દ્રભારતીબાપુની આગેવાની હેઠળ ગિરનાર મંડળ સાધુ સમાજની સાયકલ રેલી યોજી મતદાન જાગૃતિ અભિયાન ચલાવી લોકોને મતદાન કરવા અપીલ કરી હતી જેમાં પૂ. ઇન્‍દ્રભારતીબાપુએ જણાવ્‍યું હતું કે વિધાનસભાની ચૂંટણી આગામી તા. ૧ ડીસે.ના રોજ યોજાનાર છે. જિલ્લાનું વહીવટી તંત્ર કલેકટર શ્રી રચિત રાજના માર્ગદર્શન હેઠળ મતદાન અંગે મતદારોમાં જાગૃતિ લાવવા અનેકવિધ કાર્યક્રમો કરવામાં આવે છે ત્‍યારે સાધુ-સંતોએ મતદાનનું મહત્‍વ અને લોકશાહીની ગરીમા જાળવવાનો સંદેશો સાયકલ રેલી યોજી આપેલ. (અહેવાલ : વિનુ જોષી, તસ્‍વીર મુકેશ વાઘેલા)