Gujarati News

રાજકોટ તા. ૨૨: સાયલાના ઢાંકણીયા ગામના મનહરભાઇ રતનભાઇ ગઢવી (ઉ.વ.૫૫)ની તબિયત ખરાબ હોઇ રાજકોટ બતાવવા આવ્‍યા હતાં. દવા લીધા બાદ ગઇકાલે સાંજે પરત ગામડે જવા ગ્રીનલેન્‍ડ ચોકડીએ વાહન માટે પહોંચ્‍યા હતાં. અહિ ઉભા હતાં ત્‍યારે અચાનક ઉલ્‍ટીઓ થવા માંડતા બેભાન થઇ જતાં સિવિલ હોસ્‍પિટલમાં ખસેડાયા હતાં. પરંતુ દમ તોડી દીધો હતો.

હોસ્‍પિટલ ચોકીના એએસઆઇ રાજુભાઇ ગીડાએ જાણ કરતાં બી-ડિવીઝનના હેડકોન્‍સ. વી. કે. સોલંકીએ જરૂરી કાર્યવાહી કરી હતી. તેઓ ખેત મજૂરી કરતાં હતાં.(૧૪.૭)