Gujarati News

(વિનોદ ગાલા દ્વારા) ભુજ તા. ૨૪ : ભુજના ડી માર્ટ મોલમાં ૨૮ વર્ષીય યુવાન મહિલા કર્મી સાથે કરાયેલ છેડતીના બનાવે ચકચાર સર્જી છે. જોકે, ગત જુલાઇથી સપ્ટેમ્બર દરમ્યાન બનેલ આ ઘટનામાં છેડતી કરનાર ગોડાઉન ઓફિસર પોપટ માલીવાડ સામે અને આ ઘટનાને દાબવાનો પ્રયાસ કરનાર સ્ટોર મેનેજર મીત ડગલી સામે પોલીસને અરજી કરાયા પછી ડી માર્ટ ના એરિયા મેનેજર ખંજન શાસ્ત્રી એ ન્યાય અપાવવાની વાત કરી હતી. પરંતુ ન્યાય ન મળતાં અંતે પોલીસ ચોપડે ફરિયાદ નોંધાઇ છે.

૨૮ વર્ષીય સફાઈ કામદાર મહિલાને પુરૂષ યુરીનલ સાફ કરવાનું કહી આ સફાઈ કામ વખતે ગોડાઉન મેનેજર પોપટ માલીવાડ વારંવાર તેને પાછળથી બાથ ભરી અભદ્ર હરકતો કરતો હતો.

આ ફરિયાદ અંગે સ્ટોર મેનેજર મીત ડગલી એ આવું સહન કરવું પડશે એવું કહી મહિલા કર્મીની ફરિયાદ સંભાળી નહોતી. હવે ભુજ પોલીસે તપાસ હાથ ધરી છે