Gujarati News

મોરબી જીલ્લામાં કોરોના કહેર સાથે મૃત્યુ આંક સતત વધી રહ્યો છે આજે સરકારી ચોપડે જીલ્લામાં ૬૫ નવા કેસ અને ૦૪ મૃત્યુ નોંધાયા છે જયારે કોવીડ પ્રોટોકોલ મુજબ આજે ૧૭ મૃતદેહના અંતિમ સંસ્કાર કરવામાં આવ્યા હતા
આજના નવા કેસોમાં મોરબી તાલુકાના ૩૨ કેસ જેમાં ૧૬ ગ્રામ્ય અને ૧૬ શહેરી વિસ્તારમાં નોંધાયા છે અને ૦૩ દર્દીના મૃત્યુ થયા છે વાંકાનેર તાલુકાના ૧૦ કેસોમાં ૦૭ ગ્રામ્ય અને ૦૩ શહેરી વિસ્તારમાં, હળવદ તાલુકાના ૧૪ કેસોમાં ૦૬ ગ્રામ્ય અને ૦૮ શહેરી વિસ્તારમાં, ટંકારા તાલુકાના ૦૬ કેસો ગ્રામ્ય પંથકમાં અને ૦૧ દર્દીનું મૃત્યુ થયું છે જયારે માળિયા તાલુકાના ૦૩ કેસો ગ્રામ્ય પંથકમાં મળીને જીલ્લામાં નવા ૬૫ કેસ નોંધાયા છે તો ૪૭ દર્દી સ્વસ્થ થયા છે જયારે સરકારી ચોપડે ૦૪ મૃત્યુ દર્શાવ્યા છે
નવા કેસો સાથે જીલ્લામાં એક્ટીવ કેસનો આંક ૬૮૧ થયો છે આજે ૧૭ મૃતદેહના કોવીડ પ્રોટોકોલ મુજબ અંતિમ સંસ્કાર કરવામાં આવ્યા હતા