Gujarati News

(ધર્મેશ કલ્‍યાણી દ્વારા)જસદણ, તા. ૨૪: જસદણના નવા બસ સ્‍ટેશનની અંદરﾠ ઉનાળા દરમિયાન પંખાઓ બંધ હોવાથી મુસાફરોને હાલાકી ભોગવી પડે છે.

જસદણના નવા બસ સ્‍ટેશનની અંદર દીવાલમાંﾠ ફીટ કરેલા તમામ પંખાઓ આખા ઉનાળા દરમિયાન બંધ હોવાથી સમગ્ર ઉનાળા દરમિયાન મુસાફરોને કાળજાળ ગરમીમાં મોટી મુશ્‍કેલીનો સામનો કરવો પડ્‍યો હતો. કોઈ એક પંખો નહી પરંતુ તમામ પંખા ઉનાળો શરૂ થયો તે પહેલાથી જ બંધ હાલતમાં જોવા મળે છે.

જસદણના બસ સ્‍ટેશનમાં જસદણ શહેર ઉપરાંતﾠ આસપાસના એકસો થી વધારે ગામડાના લોકો જસદણ બસ સ્‍ટેશનમાંથી જુદા જુદા સ્‍થળે જાય છે. બસ આવવાનો સમય બાકી હોયﾠ તો મુસાફરો બસ સ્‍ટેન્‍ડની અંદર રહેલી બેઠક વ્‍યવસ્‍થામાં બેસે છે પરંતુ ઉનાળાની કાળજાળ ગરમીમાં તમામ પંખાઓ બંધ રહેતા હોવાથી મુસાફરો પરસેવે રેબજેબ થાય છે. વહેલી તકે પંખાઓ ચાલુ કરવામાં આવે તેવી નાગરિકોની માગણી છે.