Gujarati News

Gujarati News

સૌરાષ્ટ્ર-કચ્છ
News of Saturday, 26th November 2022

મોરબીના ટીંબડી નજીક ગેરેજમાં સીલીન્ડર બ્લાસ્ટ થતા આગ ભભૂકી, એક વ્યક્તિને ઈજા પહોંચી.

મોરબી તાલુકાના ટીંબડી ગામ નજીક આવેલ ગેરેજમાં ગેસ સીલીન્ડર બ્લાસ્ટ થતા આગ ભભૂકી હતી જે આગની ઘટનામાં એક વ્યક્તિને ઈજા પહોંચતા સારવાર માટે હોસ્પિટલ લઇ જવામાં આવ્યા છે તો ફાયર ટીમે આગ પર કાબુ મેળવ્યો હતો

બનાવની પ્રાપ્ત વિગતો મુજબ મોરબીના ટીંબડી ગામના પાટિયા નજીક આવેલ વિકાસ વેલ્ડીંગ વર્કસ નામના ગેરેજમાં સાંજના સાડા ચાર વાગ્યાના સુમારે આગ લાગી હતી જેની જાણ થતા મોરબી ફાયરની એક ટીમ દોડી ગઈ હતી અને પાણીનો મારો ચલાવી આગ પર કાબુ મેળવ્યો હતો
ફાયર ઓફિસર પાસેથી પ્રાપ્ત વિગતો અનુસાર ગેસ વેલ્ડીંગ કામ ચાલી રહ્યું હતું ત્યારે એલપીજી સીલીન્ડરમાં બ્લાસ્ટ થતા ગેરેજમાં આગ ભભૂકી ઉઠી હતી ફાયર ટીમે સમયસર સ્થળ પર દોડી જઈને આગ પર કાબુ મેળવ્યો હતો જે બનાવમાં એક વ્યક્તિને ઈજા પહોંચતા સિવિલ હોસ્પિટલ સારવાર માટે ખસેડાયા છે બનાવને પગલે મોરબી તાલુકા પોલીસના મનીષભાઈ બારૈયા સહિતની ટીમ પણ દોડી ગઈ હતી અને બનાવની વધુ તપાસ હાથ ધરી છે.
(11:16 pm IST)
છેલ્લા 8 દિવસમાં સૌથી લોકપ્રિય
મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત