Gujarati News

Gujarati News

News of Saturday, 27th February 2021

ગામડાઓમાં ઉત્તેજના...રોમાંચ...કાલે રાજકોટ જીલ્લા-તાલુકા પંચાયતની ચૂંટણીઃ સ્ટાફ રવાનાઃ ગોંડલ પાલિકા અંગે જડબેસલાક સુરક્ષા તૈનાત

ગામડાઓમાં ઉત્તેજના...રોમાંચ...કાલે રાજકોટ જીલ્લા-તાલુકા પંચાયતની ચૂંટણીઃ સ્ટાફ રવાનાઃ ગોંડલ પાલિકા અંગે જડબેસલાક સુરક્ષા તૈનાત

સવારે ૭થી સાંજે ૬ મતદાનઃ ગોંડલ પાલિકામાં ૪ તો જીલ્લા-તાલુકા પંચાયતમાં સીંગલ ચોઈસ ઈવીએમ : જીલ્લા-તાલુકા પંચાયતમાં ૯ લાખ ૪૧ હજાર મતદારોઃ ૧૧૪૧ મતદાન મથકોઃ ૩૯૬ સંવેદનશીલ બુથો ઉપર વિડીયોગ્રાફી

રાજકોટ, તા. ૨૭ :. રાજકોટ મહાનગરપાલિકા ચૂંટણી પૂર્ણ થયા બાદ હવે રાજકોટ જીલ્લા પંચાયત-તાલુકા પંચાયત અને ગોંડલ નગરપાલિકાની ચૂંટણી કાલે થશે અને તે સંદર્ભે તાલુકા ક્ષેત્રો અને ૫૯૬ ગામડાઓમાં ભારે ઉત્તેજના-રોમાંચ વ્યાપી ગયો છે.

રાજકોટ જીલ્લા-તાલુકા પંચાયત ચૂંટણી માટે રાજકોટની વિરાણી હાઈસ્કૂલ, શેઠનગર, માધાપર ચોકડી ખાતેથી અને જીલ્લામાં તાલુકા મથકોથી થઈને એક ડઝન સ્થળેથી અને ગોંડલ પાલિકાની ચૂંટણી અન્વયે બે સ્થળેથી કુલ ૮ હજારનો ચૂંટણી સ્ટાફ આજે રીકવીઝીટ કરાયેલ બસો અને અન્ય વાહનો મારફત સવારે ૧૦.૧૧ વાગ્યાથી પોતપોતાના ઈવીએમ-અન્ય મશીનરી સાથે પોતાના બુથો ઉપર રવાના થયા હતા.

કાલે જીલ્લા-તાલુકા પંચાયતની ચૂંટણીમાં રાજકોટ જીલ્લા પંચાયતની ૩૬ તથા તાલુકા પંચાયતની કુલ ૨૦૨ બેઠક માટે અને ગોંડલ નગરપાલિકાની ૧૧ વોર્ડની ૪૪ બેઠક માટે સવારે ૭ વાગ્યાથી સાંજે ૬ વાગ્યા સુધી મતદાન થશે. જીલ્લા-તાલુકા પંચાયતમાં ૯ લાખ ૪૧ હજાર તો ગોંડલ પાલિકામાં ૮૮૭૩૮ મતદારો પોતાના મતાધિકારનો ઉપયોગ કરશે. ગોંડલ પાલિકામાં ૯૦ અને રાજકોટ જીલ્લા-તાલુકા પંચાયતમાં કુલ ૧૧૪૧ મતદાન મથકો જાહેર થયા છે.

કલેકટર તંત્રે પોલીસ સાથે મીટીંગ કરી ગોંડલ પાલિકામાં જડબેસલાક પોલીસ બંદોબસ્ત ગોઠવ્યો છે. અમુક અશાંત વિસ્તારમાં એસઆરપીની કંપનીઓ પણ ગોઠવી દેવાઈ છે. જીલ્લા-તાલુકા પંચાયતમાં ૩૯૬ મતદાન મથકો સંવેદનશીલ તો ૬૬ બુથો અતિસંવેદનશીલ જાહેર કરાયા છે, જ્યાં તમામ ઉપર વિડીયોગ્રાફી થશે. ગોંડલ પાલિકામાં મતદારે ૪ તથા જીલ્લા-તાલુકા પંચાયતમાં સીંગલ ચોઈસ ઈવીએમ સિસ્ટમ રખાઈ છે.

(11:23 am IST)
  • સવારે ૪ાા વાગે સુરત નજીક હળવો ભૂકંપ : વહેલી સવારે ૪.૩૫ વાગ્યે સુરત પાસે ૩.૧ની તીવ્રતાનો હળવો ભૂકંપનો આંચકો અનુભવાયો છે. ભૂકંપનું કેન્દ્ર બિંદુ સુરતથી ત્રીસેક કિ.મી. દૂર નોંધાયું હતું. હળવો ભૂકંપ હોય કેન્દ્ર બિંદુ આસપાસના વિસ્તારો સિવાય ખાસ અસર જોવા મળી ન હોવાનું ચર્ચાય છે. access_time 12:44 pm IST

  • પશ્ચિમ બંગાળમાં કોલસા કૌભાંડમાં મોટો ખુલાસો : ખાનગી જમીનમાંથી કાઢીને વેચી નાખ્યો કોલસો : સીબીઆઈએ પત્ર લખીને કાર્યવાહીની કરી માંગ : કૈટલ સ્મગલિંગ અને કોલસા સ્મગલિંગમાં કેટલાક ચાર્ટડ એકાઉન્ટન્ટની મદદથી શેલ કંપનીઓ બનાવાઈ : લાંચની રકમનું મની લોન્ડરિંગ કરવા સાથે મોટા પાયે બેનામી સંપત્તિની ખરીદી access_time 12:52 am IST

  • કોરોનાના વધતા કેસથી યુપી અને ઓરિસ્સા સરકાર એલર્ટ : અન્ય રાજ્યોમાંથી આવનાર માટે ક્વોરેન્ટાઇન અનિવાર્ય : ઓરિસામાં હવે મહારાષ્ટ્ર, કેરળ, તમિલનાડુ,છત્તીસગઢ,મધ્યપ્રદેશ, તેલંગાણા, પશ્ચિમ બંગાળ , પંજાબ, દિલ્હી, ચંદીગઢ, કર્ણાટક,અને આંધ્રપ્રદેશથી આવનારા લોકોને 7 દિવસ હોમ આઇસોલેશન ફરજીયાત કરાયું access_time 12:44 am IST