Gujarati News

Gujarati News

News of Saturday, 27th February 2021

જૂનાગઢના કેરાળાના આધેડની હત્યામાં પત્ની-પુત્ર અને સગીર પુત્રીની ધરપકડ

માતા - પુત્રની રીમાન્ડ માટે તજવીજ : પુત્રી બાળહોમના હવાલે

 (વિનુ જોષી દ્વારા) જૂનાગઢ તા. ૨૭ : જૂનાગઢના કેરાળા ગામના કોળી દિપકભાઇ ચનાભાઇ ઉર્ફે ચંદુભાઇ કુડેચા નામના આધેડની હત્યામાં તેની પત્ની-પુત્ર અને પુત્રીની પોલીસે ધરપકડ કરી માતા-પુત્રના રીમાન્ડ મેળવવા તજવીજ હાથ ધરી છે અને પુત્રીને બાળહોમમાં મોકલી આપી છે.  જૂનાગઢ તાલુકાના કેરાળા ગામે રહેતા દિપક કુડેચાની ગુરૂવારની રાત્રે તેમની જ વાડીએ હત્યા થઇ હતી.  દિપકભાઇ સાથે તેના પત્ની વિજયાબેન તથા પુત્ર જયેશ અને સગીર પુત્રીએ માથાકુટ કરીને કોદાળીના ઘા ઝીંકીને દિપકભાઇની હત્યા કરી નાંખી હતી.  ઘરકંકાસને લઇ હત્યા થયાની જાણ થતાં તાલુકા પીએસઆઇ સગારકા સ્ટાફ સાથે દોડી ગયા હતા અને મૃતકની માતા હેમીબેનની ફરીયાદ લઇ મરનારની પત્ની, પુત્ર અને પુત્રી સામે હત્યાનો ગુનો નોંધીને ધોરણસરની કાર્યવાહી કરી હતી.  પોલીસે ત્રણેયને ગુરૂવારની રાત્રે જ રાઉન્ડઅપ કરી લીધા હતા. જોકે ગઇકાલે મોડી સાંજે વિજયાબેન અને તેના પુત્ર જયેશની વિધિવત ધરપકડ કરી હતી. જ્યારે પુત્રી સગીર હોય તેથી તેને બાળહોમમાં મોકલી આપી હતી.  પીએસઆઇ એસ.એન.સગારકાએ માતા-પુત્રને વધુ તપાસ અને પૂછપરછ માટે રીમાન્ડ પર મેળવવા તજવીજ હાથ ધરી હોવાનું જાણવા મળેલ છે.

(12:52 pm IST)
  • રવિદાસજીએ સદીઓ પહેલા સમાનતા, સદભાવના અને કરૂણા પર સંદેશા આપ્યા હતા : નરેન્દ્રભાઈ : વડાપ્રધાન શ્રી નરેન્દ્રભાઇ મોદીએ આજે ટ્વિટર ઉપર લખ્યું છે કે સંત રવિદાસજીએ સદીઓ પહેલા સમાનતા, સદભાવના અને કરુણા પર સંદેશા આપ્યા હતા, જે યુગો યુગો સુધી દેશવાસીઓને પ્રેરણા આપશે. હું તેમની જન્મજયંતિ પર તેમને સાદર વંદન કરું છું. access_time 5:04 pm IST

  • કોરોનાના વધતા કેસથી યુપી અને ઓરિસ્સા સરકાર એલર્ટ : અન્ય રાજ્યોમાંથી આવનાર માટે ક્વોરેન્ટાઇન અનિવાર્ય : ઓરિસામાં હવે મહારાષ્ટ્ર, કેરળ, તમિલનાડુ,છત્તીસગઢ,મધ્યપ્રદેશ, તેલંગાણા, પશ્ચિમ બંગાળ , પંજાબ, દિલ્હી, ચંદીગઢ, કર્ણાટક,અને આંધ્રપ્રદેશથી આવનારા લોકોને 7 દિવસ હોમ આઇસોલેશન ફરજીયાત કરાયું access_time 12:44 am IST

  • કોરોના વાયરસ, બાર્ડ બ્લુ બાદ હવે પર્વો વાયરસથી ખળભળાટ : યુપીના કાનપુરમાં પર્વો વાયરસની ઘાતક અસરથી 8 શ્વાનોએ જીવ ગુમાવ્યો :બે કુતરાઓના પીએમ રિપોર્ટમાં આંતરડા સડી ગયાનો ઘટસ્ફોટ : કુતરાના મોત પહેલા લોહીની ઉલ્ટી પણ થઈ હતી access_time 12:29 am IST