Gujarati News

નવી દિલ્હી: ક્વિન્ટન ડી કોકના નિર્ણયથી દક્ષિણ આફ્રિકાના પૂર્વ ખેલાડી અલ્વિરો પીટરસન ચોંકી ગયા છે. ડી કોકે ટેસ્ટ ક્રિકેટમાંથી નિવૃત્તિ લેવાનો નિર્ણય લીધો છે. પીટરસને કહ્યું કે, ડી કોકના નિર્ણયથી અમને ખૂબ જ આશ્ચર્ય થયું છે. પીટરસને દક્ષિણ આફ્રિકાની ટીમ માટે 36 ટેસ્ટ મેચ રમી છે."હું ડી કોકના નિર્ણયથી ચોંકી ગયો છું પરંતુ તમે એ પણ સમજી શકો છો કે T20 લીગ અને હંડ્રેડ કોન્ટ્રાક્ટથી હવે ખેલાડીઓની માનસિકતા બદલાઈ ગઈ છે," તેણે કહ્યું, "ખેલાડીઓ તેમના પરિવાર અને મિત્રોથી દૂર રહે છે કારણ કે તેઓ બાયો બબલ્સમાં છે. જોકે મને લાગે છે કે આ બધી બાબતોને ધ્યાનમાં રાખીને ડી કોકે આ નિર્ણય લીધો હશે." દક્ષિણ આફ્રિકાની ટીમના વિકેટકીપર ડી કોકે ગુરુવારે ટેસ્ટમાંથી સંન્યાસ લેવાના નિર્ણયથી બધાને ચોંકાવી દીધા હતા.