Gujarati News

નવી દિલ્હી: અખિલ ભારતીય વરિષ્ઠ પસંદગી સમિતિએ દક્ષિણ આફ્રિકા સામેની આગામી ત્રણ મેચની ODI શ્રેણી માટે ભારતીય ટીમની પસંદગી કરી છે, જેમાં શિખર ધવન ટીમના કેપ્ટન છે. ભારતીય ટીમ ક્રમશઃ લખનૌ, રાંચી અને નવી દિલ્હીમાં 6, 9 અને 11 ઓક્ટોબરે પ્રોટીઝ સામે વનડે રમશે. મધ્યમ ક્રમના બેટ્સમેન રજત પાટીદાર અને ઝડપી બોલર મુકેશ કુમારને પ્રથમ વખત વનડે શ્રેણીમાં તક આપવામાં આવી છે. રસપ્રદ વાત એ છે કે, બેટ્સમેન શ્રેયસ અય્યર, પેસ ઓલરાઉન્ડર દીપક ચહર અને લેગ સ્પિનર ​​રવિ બિશ્નોઈ, જેઓ બાદમાં T20 વર્લ્ડ કપ માટે ઓસ્ટ્રેલિયા જશે, તેમને પણ ODI ટીમમાં સામેલ કરવામાં આવ્યા છે.ભારતની ODI ટીમઃ શિખર ધવન (કેપ્ટન), ઋતુરાજ ગાયકવાડ, શુભમન ગિલ, શ્રેયસ ઐયર (વાઈસ-કેપ્ટન), રજત પાટીદાર, રાહુલ ત્રિપાઠી, ઈશાન કિશન (WK), સંજુ સેમસન (WK), શાહબાઝ અહેમદ, શાર્દુલ ઠાકુર, કુલદીપ યાદવ , રવિ બિશ્નોઈ, મુકેશ કુમાર, અવેશ ખાન, મોહમ્મદ સિરાજ અને દીપક ચાહર.