Gujarati News

Gujarati News

News of Friday, 22nd January 2021

રહાણે, રોહિત, રવિ, શાર્દૂલ, પૃથ્વી અને કોચ રવિ શાસ્ત્રી સાત દિવસ માટે હોમ કવોરેન્ટાઈન

આરટી-પીસીઆર ટેસ્ટ કરાવવામાં આવ્યો હતો

મુંબઈઃ ઓસ્ટ્રેલિયામાં ટેસ્ટ શ્રેણી વિજય પછી પરત ભરેલી ભારતીય ક્રિકેટ ટીમમાં મુંબઈ ઉતરેલા કેપ્ટન રહાણે, રોહિત શર્મા, શાર્દૂલ ઠાકુર અને પૃથ્વી શો તથા કોચ રવિ શાસ્ત્રીને સાત દિવસના હોમ કવોરેન્ટાઇનની સલાહ આપવામાં આવી છે.

મુંબઈના છત્રપતિ શિવાજી ઇન્ટરનેશનલ એરપોર્ટ પર આવ્યા પછી આ પાંચેયનો આરટી-પીસીઆર ટેસ્ટ કરાવવામાં આવ્યો હતો. તેઓને આગામી સાત દિવસ કવોરેન્ટાઇન રહેવાની સલાહ આપવામાં આવી છે, એમ બૃહદમુંબઈના મ્યુનિસિપલ કમિશ્નર ઇકબાલસિંહ ચહલે જણાવ્યું હતું.

મુંબઈમાં આવ્યા પછી ખેલાડીઓનું મુંબઈ ક્રિકેટ એસોસિયેશનના અધિકારીઓ દ્વારા સ્વાગત કરવામાં આવ્યું હતું. રહાણેએ ટીમના વિજયની ઉજવણીના ભાગરૂપે ત્યાં કેક કાપી હતી.

(2:51 pm IST)
  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST