Gujarati News

માન્ચેસ્ટારઃ કોરોના કાળમાં ઈંગ્લેન્ડ અને વેસ્ટ ઈન્ડિઝ વચ્ચે રમાઈ રહેલ ટેસ્ટ સીરીઝનો ત્રીજો અને અંતિમ ટેસ્ટ આજથી માનચેસ્ટર ખાતે ભારતીય સમય મુજબ બપોરે ૩ વાગે શરૂ થયો છે.

પહેલા ટેસ્ટમાં પ્રવાસી વેસ્ટ ઈન્ડિઝે યજમાન ઈંગ્લેન્ડને ચાર વિકેટે હરાવ્યુ હતુ. જયારે બીજા ટેસ્ટ ઈંગ્લેન્ડે ઓલ્ડ ટ્રાફેડમાં ૧૧૩ રને જીત મેળવી હતી. આમ ત્રણ ટેસ્ટની સીરીઝ ૧-૧ થી બરાબરી ઉપર છે. વેસ્ટ ઈન્ડીઝને જીતવાની તક છે. વેસ્ટ ઈન્ડીઝે વીઝડન ટ્રોફી પોતાની પાસે જાળવી રાખવા ત્રીજો ટેસ્ટ જીતી ન શકે તો ડ્રો કરાવવો જરૂરી છે.

બન્ને ટીમો આ પ્રમાણે છે. ઈંગ્લેન્ડ- જોરૂટ (કેપ્ટન), એન્ડરસન, જોફ્રાઆર્ચર, ડોમિનિક બેસ, સ્ટુઅર્ટ બ્રોડ, રોરીબર્ન્સ, બટલર, ક્રાઉલી, સૈમ કરન, ઓલી પોપ, ડોમ સીબ્લી, સ્ટોકસ, ક્રિસવોકસ અને માર્ક વુડ છે.

વેસ્ટ ઈન્ડીઝ- હોલ્ડર (કેપ્ટન), જોનકેમ્પબેલ, બ્રેથવેટ, બુકસ, શાઈ હોપ, રોસ્ટન ચેસ, બ્લેકવુડ, ડોવરિચ (વિકેટકિપર), અલ્ઝારી જોસેફ, કેમાર રોચ, શૈનોન ગ્રેબીયલ, રાહકીમ કાર્નવાલ, જોશુઆડા સિલ્વા, શેન મોઝલી અને નક્રુમાહ બોનર છે.