તા. ૨૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૩ રવિવાર
News of Tuesday, 14th May 2024
શમિતા શેટ્ટી ખતરનાક બીમારી એન્ડોમેટ્રિઓસિસથી પીડિત : સર્જરી કરાવવી પડી

મુંબઈ: બોલિવૂડ અભિનેત્રી શમિતા શેટ્ટી એન્ડોમેટ્રિઓસિસ નામની ગંભીર બીમારીથી પીડિત છે. રોગનું નિદાન થયા પછી, તેમને હોસ્પિટલમાં દાખલ કરવામાં આવ્યા હતા અને તેમની સર્જરી પણ કરવામાં આવી હતી.શમિતાએ ઈન્સ્ટાગ્રામ પોસ્ટ પર એક વીડિયો શેર કર્યો છે. આમાં તે એન્ડોમેટ્રિઓસિસ વિશે વાત કરતી જોવા મળી રહી છે.તમને જણાવી દઈએ કે એન્ડોમેટ્રિઓસિસ એક મેડિકલ ડિસઓર્ડર છે જેમાં ગર્ભાશયની અંદર જોવા મળતા ટિશ્યૂ એન્ડોમેટ્રિઓસિસ ટિશ્યૂની જેમ વધે છે અને આ ટિશ્યૂ ગર્ભાશયની બહાર વધવા લાગે છે. જેના કારણે વધુ પડતા પીરિયડ્સ તેમજ પ્રજનન સંબંધી સમસ્યાઓ પણ થઈ શકે છે.બહેન શિલ્પા શેટ્ટી દ્વારા કેપ્ચર કરાયેલા વીડિયોમાં શમિતા હોસ્પિટલના બેડ પર છે અને તે કહે છે, "ક્યા વ્યૂ હૈ વાહ... ક્યા હુઆ હૈ."શમિતાએ જવાબ આપ્યો, "મને એન્ડોમેટ્રિઓસિસ છે, મને એ પણ ખબર નહોતી કે તે શું છે. કૃપા કરીને તમામ મહિલાઓએ ગૂગલ પર એન્ડોમેટ્રિઓસિસ વિશે સર્ચ કરવું જોઈએ. આ સમસ્યા શું છે તે જાણવું તમારા માટે મહત્વપૂર્ણ છે."
(5:23 PM IST)









છેલ્લા 8 દિવસમાં સૌથી લોકપ્રિય 
