મુંબઈ: વિદ્યા બાલન, પ્રતિક ગાંધી, ઇલિયાના ડી'ક્રૂઝ અને સેંથિલ રામામૂર્તિ અભિનીત ફિલ્મ 'દો ઔર દો પ્યાર' તાજેતરમાં થિયેટરોમાં રિલીઝ થઈ હતી. પુરસ્કાર વિજેતા એડ ફિલ્મ નિર્માતા શ્રીશા ગુહા ઠાકુર્તા દ્વારા નિર્દેશિત, ફિલ્મને સકારાત્મક સમીક્ષાઓ મળી હતી. જોકે, આ ફિલ્મ બોક્સ ઓફિસ પર ફ્લોપ સાબિત થઈ હતી. હવે વિદ્યા બાલનની 'દો ઔર દો પ્યાર' OTT પ્લેટફોર્મ પર રિલીઝ થઈ રહી છે.

વિદ્યા બાલનની રોમ-કોમ 'દો ઔર દો પ્યાર' શહેરી સંબંધો, પ્રેમ અને એક્સ્ટ્રા મેરિટલ અફેરની ગૂંચવણો પર આધારિત છે. થિયેટરમાં રિલીઝ થયા પછી, આ ફિલ્મ હવે OTT પર રિલીઝ થઈ રહી છે. ડિઝની+હોટસ્ટારે તેના સત્તાવાર ઇન્સ્ટાગ્રામ હેન્ડલ પર દો ઔર દો પ્યારની સ્ટ્રીમિંગની જાહેરાત કરી છે.વિદ્યા બાલન, ઇલિયાના ડીક્રુઝ, પ્રતિક ગાંધી અને સેંથિલ રામામૂર્તિ અભિનીત ફિલ્મનું પોસ્ટર શેર કરતા, ડિઝની પ્લસ હોટસ્ટેને કેપ્શનમાં લખ્યું, “ફરીથી પ્રેમમાં પડવું. કારણ કે માત્ર એક જ વાર પૂરતું નથી, દો ઔર દો પ્યાર હવે હોટસ્ટાર પર સ્ટ્રીમ થઈ રહ્યું છે.”