તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
સતત ફ્લોપ ફિલ્મો આપવા પર શું કહ્યું અક્ષય કુમારે
દરેક નિષ્ફળતા તમને સફળતાનું મૂલ્ય શીખવે છે અને તે તમારી ભૂખ પણ વધારે છે
મુંબઈ, તા.૨૪: બોલિવૂડના ‘ખિલાડી' અક્ષય કુમાર લાંબા સમયથી બોક્સ ઓફિસ પર નિષ્ફળતાઓનો સામનો કરી રહ્યા છે. ગત વર્ષે રિલીઝ થયેલી તેની લગભગ તમામ ફિલ્મો ફ્લોપ રહી હતી. તે જ સમયે વર્ષ ૨૦૨૪ માં અત્યાર સુધીમાં બે ફિલ્મો રિલીઝ થઈ છે, પરંતુ બંનેમાંથી એક પણ સફળતાનો સ્વાદ ચાખવામાં સફળ રહી નથી, જોકે બંને મોટા બજેટની ફિલ્મો હતી.
વર્ષની શરૂઆતમાં અક્ષય કુમારની ફિલ્મ ‘બડે મિયાં છોટે મિયાં' રિલીઝ થઈ હતી. જેમાં તેમની સાથે ટાઈગર શ્રોફ પણ હતો. આ ફિલ્મ જાહેરાતથી જ તૈયાર હતી, પરંતુ તેની રિલીઝ પછી તે બોક્સ ઓફિસ પર નિષ્ફળ ગઈ.
અક્ષય કુમારની તાજેતરની ફિલ્મ સરફિરા પણ બોક્સ ઓફિસ પર ખાસ કમાલ કરી શકી ન હતી. આવી સ્થિતિમાં અભિનેતાએ ફોર્બ્સ ઇન્ડિયા સાથેની વાતચીતમાં તેની કારકિર્દીમાં સતત ૧૬ ફ્લોપ ફિલ્મો વિશે વાત કરી અને જણાવ્યું કે તે નિષ્ફળતાઓનો સામનો કેવી રીતે કરે છે. તેમણે કહ્યું, ઙ્કદરેક ફિલ્મ પાછળ ઘણું લોહી, પરસેવો અને જુસ્સો હોય છે. કોઈ પણ ફિલ્મને નિષ્ફળ જોવી એ હૃદયદ્રાવક હોય છે, પરંતુ તમારે સકારાત્મક બાજુ પણ જોવાનું શીખવું પડશે. દરેક નિષ્ફળતા તમને સફળતાનું મૂલ્ય શીખવે છે અને તે તમારી ભૂખ પણ વધારે છે.ઙ્ઘ
તેમણે વધુમાં ઉમેર્યું હતું કે, સદનસીબે, મેં મારી કારકિર્દીની શરૂઆતમાં તેનો સામનો કરવાનું શીખી લીધું હતું. અલબત્ત, તે તમને નુકસાન પહોંચાડે છે અને અસર કરે છે, પરંતુ તે ફિલ્મનું ભાગ્ય બદલશે નહીં. તે એવી વસ્તુ નથી જે તમારા નિયંત્રણમાં છે. જો તમારા હાથમાં કંઈ છે તો એ છે સખત મહેનત કરવી, સુધારો કરવો અને તમારી આગામી ફિલ્મ માટે તમારું સર્વસ્વ આપવું. આ રીતે હું મારી ઉર્જાનું સંચાલન કરું છું અને આગામી ફિલ્મ પર જવાનો પ્રયત્ન કરું છું, જ્યાં તે સૌથી વધુ મહત્વનું હોય ત્યાં મારી ઊર્જા પર ધ્યાન કેન્દ્રિત કરું છું.
(3:06 PM IST)
છેલ્લા 8 દિવસમાં સૌથી લોકપ્રિય 
