મુંબઇઃ  આમિર ખાનના પ્રોડક્શન હાઉસ હેઠળ બનેલી ફિલ્મ 'લપતા લેડીઝ' ઓસ્કાર 2025માં જવાના સમાચારથી ચાહકોમાં ઉત્તેજના છે. ડિરેક્ટર કિરણ રાવ અને ફિલ્મના સ્ટાર્સની ખુશી જોવા જેવી છે. આ ફિલ્મ બાદ વધુ એક ભારતીય ફિલ્મ ઓસ્કારમાં પ્રવેશી છે. ફેડરેશન ઓફ ઈન્ડિયા પાસે 29 ફિલ્મોની યાદી હતી, જેમાં બોલિવૂડથી લઈને દક્ષિણ ભારત સુધીની ફિલ્મોનો સમાવેશ થાય છે. આમાં એક નામ આ વર્ષે રિલીઝ થયેલી રણદીપ હુડ્ડાની ફિલ્મ 'સ્વાતંત્ર્ય વીર સાવરકર' હતું. આ પીરિયડ-ડ્રામા ફિલ્મ ફેડરેશન ઓફ ઈન્ડિયા દ્વારા ઓસ્કાર એવોર્ડ્સ 2025 માટે સબમિટ કરવામાં આવી છે.