મુંબઇ:અભિનેતા વરુણ ધવન અને અભિનેત્રી સમંથા રૂથ પ્રભુ અભિનીત આગામી શ્રેણી ‘સિટાડેલ: હની બન્ની’નું નવું ટ્રેલર મંગળવારે રિલીઝ કરવામાં આવ્યું છે.  નવા ટ્રેલરમાં કલાકારો એક્શનથી ભરપૂર જોવા મળી રહ્યા છે. નવું ટ્રેલર એક્શન, પ્રેમ, સંઘર્ષ અને રોમાંચથી ભરેલું છે.  ટ્રેલરમાં સામંથા અને વરુણ મુખ્ય ભૂમિકામાં છે.  શ્રેણીમાં, તેઓ સાથી એજન્ટ હોવા ઉપરાંત એક રોમેન્ટિક કપલ તરીકે દર્શાવવામાં આવ્યા છે. શ્રેણીનું ટ્રેલર તેની પુત્રીને હુમલાખોરોથી બચાવવા માટે સામન્થાના સંઘર્ષથી શરૂ થાય છે.  અભિનેત્રી તેની પુત્રીના કાનમાં હેડફોન મૂકે છે અને તેને સુરક્ષિત રાખવા માટે ટ્રંકમાં છુપાવે છે.